തിരുവനന്തപുരം: നടന്‍ സലീം കുമാര്‍ എല്ലാവരോടും പറയാനായി പറഞ്ഞ പ്രളയാനുഭവം നിയമസഭയില്‍ പങ്കുവെച്ച് മുകേഷ് എംഎല്‍എ. കറകളഞ്ഞ കോണ്‍ഗ്രസുകാരനാണ് സലീം കുമാര്‍. പ്രളയത്തില്‍ അദ്ദേഹത്തിന്റെ വീടും മുങ്ങി. ആദ്യമൊന്നും സലീം കുമാര്‍ പ്രളയത്തെ ഗൗനിച്ചില്ല. പിന്നീട് കാര്യങ്ങള്‍ കൈവിട്ടുപോയി. അപ്പോള്‍ അദ്ദേഹത്തെ വിളിച്ച് കാര്യങ്ങള്‍ അന്വേഷിക്കാന്‍ സിപിഎം നേതാക്കളായ എസ് ശര്‍മയും പി രാജീവും മാത്രം.
ഒടുവില്‍ സലീം കുമാറിനെയും കൂട്ടരെയും രക്ഷിക്കാന്‍ വള്ളമെത്തി. ആരാണ് തനിക്കുവേണ്ടി വള്ളം വിട്ടതെന്ന് സലീം കുമാര്‍ ചോദിച്ചു. എസ് ശര്‍മ സാറെന്ന് വള്ളക്കാര്‍ പറഞ്ഞു. സുരക്ഷിത കേന്ദ്രത്തിലെത്തിയപ്പോള്‍ അവിടെ കൂടിനിന്ന കോണ്‍ഗ്രസുകാര്‍ സലീം കുമാറിനോട് ഇങ്ങനെ ചോദിച്ചു: 'ഞങ്ങളയച്ച വള്ളം കിട്ടിയല്ലോ അല്ലേ? ' എന്നാലും മരണംവരെ താന്‍ കോണ്‍ഗ്രസായി തന്നെ തുടരുമെന്ന് സലീം കുമാര്‍ പറഞ്ഞതായി മുകേഷ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
