കൊച്ചി: കാസര്കോട് യൂത്ത് കോണ്ഗ്രസ് പ്രവര്ത്തകരുടെ ഇരട്ടകൊലപാതകം സിപിഎം ഗൂഢാലോചനയെന്ന് മുന് മുഖ്യമന്ത്രി ഉമ്മന് ചാണ്ടി. ഭരണ സ്വാധീനം ഉപയോഗിച്ചാലും യഥാര്ത്ഥ പ്രതികളെ നിയമത്തിന് മുന്നില് കൊണ്ടുവരുമെന്ന് അദ്ദേഹം പറഞ്ഞു. യൂത്ത് കോണ്ഗ്രസ് പ്രവര്ത്തകരുടെ വികാരം ഉള്ക്കൊണ്ടാണ് ഹര്ത്താല് നടത്തുന്നതെന്നും അദ്ദേഹം കൂട്ടിച്ചേര്ത്തു.
അതേസമയം പ്രവര്ത്തകരുടെ കൊലപാതകത്തില് പ്രതിഷേധിച്ച് യൂത്ത് കോണ്ഗ്രസ് ആഹ്വാനം ചെയ്ത ഹര്ത്താല് പലയിടത്തും അക്രമാസക്തമായി. സ്വകാര്യവാഹനങ്ങള് സംസ്ഥാന വ്യാപകമായി തടയുന്നുണ്ട്. പലയിടങ്ങളിലും സ്വകാര്യബസുകള് സര്വ്വീസ് നിര്ത്തിവച്ചു.
കോഴിക്കോട് കുന്ദമംഗലത്തും പന്തീര്പാടത്തും കെഎസ്ആര്ടിസി ബസുകള്ക്ക് നേരെ കല്ലേറുണ്ടായി. ബാലുശ്ശേരി, വടകര, നാദാപുരം എന്നിവിടങ്ങളില് പ്രതിഷേധക്കാര് വാഹനങ്ങള് തടഞ്ഞു. കാസര്കോട് നഗരത്തില് യൂത്ത് കോണ്ഗ്രസ് പ്രവര്ത്തകര് നടത്തിയ മാര്ച്ച് അക്രമാസക്തമായതിനെ തുടര്ന്ന് പൊലീസ് ലാത്തി വീശി.
പാലക്കാട് വാളയാറില് കെഎസ്ആര്ടിസി ബസിനും തമിഴ്നാട് ട്രാന്സ്പോര്ട്ട് കോര്പറേഷന്റെയും ബസുകള്ക്ക് നേരെയും കല്ലേറുണ്ടായി. മധ്യകേരളത്തിലെ ജില്ലകളില് ഹര്ത്താല് സമാധാനപരമായി പുരോഗമിക്കുകയാണ്. ഹര്ത്താലുമായി സഹകരിക്കരുതെന്ന് വ്യാപാരി വ്യവസായി ഏകോപന സമിതി ആവശ്യപ്പെട്ടിട്ടുണ്ട്. എറണാകുളം ജില്ലയില് തുറന്ന് പ്രവര്ത്തിക്കുന്ന കടകള്ക്ക് സംരക്ഷണം നല്കുമെന്ന് ജില്ലാ കളക്ടര് അറിയിച്ചു.
തിരുവനന്തപുരം ആറ്റിങ്ങലില് കെഎസ്ആര്ടിസി ബസ് തടഞ്ഞ അഞ്ച് യൂത്ത് കോണ്ഗ്രസ് പ്രവര്ത്തകരെ പൊലീസ് അറസ്റ്റ് ചെയ്ത് നീക്കി. കിളിമാനൂരില്
കടകള് നിര്ബന്ധിതമായി അടപ്പിച്ചു. സഞ്ചാര സ്വാതന്ത്ര്യം തടഞ്ഞാല് കര്ശന നിയമനടപടിയുണ്ടാകുമെന്ന് ഡിജിപി വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ