കരിപ്പൂർ: യാത്രക്കാരന്റെ പിതാവ് ഗുരുതരാവസ്ഥയിലാണെന്ന സന്ദേശത്തെത്തുടർന്ന് വിമാനം തിരിച്ചുവിളിച്ചു. കോഴിക്കോട് വിമാനത്താവളത്തിൽനിന്ന് ദോഹയിലേക്ക് പുറപ്പെട്ട എയർ ഇന്ത്യ എക്സ്പ്രസിന്റെ വിമാനമാണ് തിരിച്ചുവിളിച്ചത്.
പേരാമ്പ്ര സ്വദേശിയായ യാത്രക്കാരന്റെ പിതാവ് ഗുരുതരാവസ്ഥയിലാണെന്ന ഫോൺ സന്ദേശത്തെതുടർന്നാണ് റൺവേയിൽ പ്രവേശിച്ച വിമാനം തിരിച്ചുവിളിച്ചത്. പിതാവിന്റെ അസുഖവിവരം അറിയിച്ചുള്ള സന്ദേശം ലഭിച്ചതിന് പിന്നാലെ വിഷയം പൈലറ്റിനെ അറിയിക്കുകയും വിമാനം തിരിച്ച് പാർക്കിങ് ബേയിൽ എത്തിക്കുകയായിരുന്നു.
യാത്രക്കാരൻ ഇറങ്ങി ഒരു മണിക്കൂറിന് ശേഷമാണ് വിമാനം പുറപ്പെട്ടത്. 11:40ന് പുറപ്പെടേണ്ടിയിരുന്ന വിമാനം ഇതേത്തുടർന്ന് വൈകി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
