തിരുവനന്തപുരം: ലോക്സഭാ തിരഞ്ഞെടുപ്പില് അങ്കം കുറിക്കാനിറങ്ങുന്ന ഗ്ലാമര് സ്ഥാനാര്ത്ഥികളിലൊരാളാണ് തിരുവനന്തപുരത്തെ സിറ്റിങ് എംപിയായ ശശി തരൂര്. തട്ടുകടയിലെ രുചിയേറിയ ചായചിത്രം പങ്കുവച്ചശേഷം ഇപ്പോഴിതാ ഒരു കല്ല്യാണസെല്ഫിയുമായാണ് തരൂര് എത്തിയിരിക്കുന്നത്. തിരഞ്ഞെടുപ്പ് പ്രചരണത്തിന്റെ ഭാഗമായി നടത്തിയ മണ്ഡലം പര്യടനത്തിനിടയിലാണ് വരനും വധുവുനുമൊപ്പം സെല്ഫിയെടുക്കാന് തരൂര് സമയം കണ്ടെത്തിയത്.
'ഒരു എംപി എന്ന നിലയില് വിവാഹാഘോഷങ്ങളില് പങ്കെടുക്കുക എന്നത് ഒരു ദിവസത്തെ ജോലിയുടെ ഭാഗമാണ്. എന്നാല് കല്ല്യാണപ്പെണ്ണ് ഒപ്പം നിന്ന് സെല്ഫി എടുക്കുന്നത് ഒരു പുതിയ അനുഭവമാണ്' എന്ന് കുറിച്ചാണ് തരൂര് ചിത്രം പങ്കുവച്ചിരിക്കുന്നത്. തന്റെ ഔദ്യോഗിക ട്വിറ്റര് പേജിലാണ് കൗതുകകരമായ ഈ അനുഭവം തരൂര് പങ്കുവച്ചത്.
ത്രികോണ മത്സരത്തിന് സാധ്യത കല്പ്പിക്കപ്പെടുന്ന തിരുവനന്തപുരം മണ്ഡലത്തില് നിന്ന് ഹാട്രിക് വിജയത്തിനപ്പുറം തരൂരും മറ്റൊന്നും പ്രതീക്ഷിക്കുന്നില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ