കൊച്ചി : റൊണാള്‍ഡോ-റിവാള്‍ഡോ എന്ന പോലെ മാരകമായ കോമ്പിനേഷനാണ് മോദി-ഷാ കൂട്ടുകെട്ടെന്ന് രാഷ്ട്രീയ നിരീക്ഷകനായ അഡ്വ. എ ജയശങ്കര്‍ അഭിപ്രായപ്പെട്ടു. നരേന്ദ്രമോദി ഗുജറാത്ത് മുഖ്യനായിരുന്ന കാലത്ത് ആഭ്യന്തര സഹമന്ത്രി ആയിരുന്നു അമിത് ഷാ. കസ്റ്റഡി മരണങ്ങളുടെയും ഏറ്റുമുട്ടല്‍ കൊലപാതകങ്ങളുടെയും പൂക്കാലമായിരുന്നു അത്.
മനുഷ്യാവകാശ പ്രവര്‍ത്തകര്‍ക്കും സാംസ്‌കാരിക നായികാ നായകന്മാര്‍ക്കും പിടിപ്പതു പണിയാകും, വരും നാളുകളില്‍. മൂന്നാമതാണ് സത്യവാചകം ചൊല്ലിയതെങ്കിലും കേന്ദ്ര മന്ത്രിസഭയിലെ രണ്ടാമന്‍ അമിത് ഷാ തന്നെയാണ്. രാജ്‌നാഥ് സിങിനു പോലുമുണ്ടാവില്ല അക്കാര്യത്തില്‍ സംശയമെന്നും ജയശങ്കര്‍ ഫെയ്‌സ്ബുക്ക് പോസ്റ്റില്‍ അഭിപ്രായപ്പെട്ടു.
ഫെയ്‌സ്ബുക്ക് പോസ്റ്റിന്റെ പൂര്‍ണരൂപം
മൂന്നാമതാണ് സത്യവാചകം ചൊല്ലിയതെങ്കിലും കേന്ദ്ര മന്ത്രിസഭയിലെ രണ്ടാമന്‍ അമിത് ഷാ തന്നെയാണ്. രാജ്‌നാഥ് സിങിനു പോലുമുണ്ടാവില്ല അക്കാര്യത്തില്‍ സംശയം. പോരാത്തതിന് ആഭ്യന്തര വകുപ്പും നല്‍കിയിരിക്കുന്നു.
നരേന്ദ്രമോദി ഗുജറാത്ത് മുഖ്യനായിരുന്ന കാലത്ത് ആഭ്യന്തര സഹമന്ത്രി ആയിരുന്നു അമിത് ഷാ. കസ്റ്റഡി മരണങ്ങളുടെയും ഏറ്റുമുട്ടല്‍ കൊലപാതകങ്ങളുടെയും പൂക്കാലം. കേസ് പരിഗണിക്കാനിരുന്ന ജഡ്ജി വരെ അരിയെത്താതെ മരിച്ചു എന്നാണ് ചരിത്രം.
മോദി ആദ്യം പ്രധാനമന്ത്രി ആയപ്പോള്‍ ഷായെ പാര്‍ട്ടി അധ്യക്ഷനാക്കി. രണ്ടാമതും അധികാരത്തിലേറുമ്പോള്‍ ആഭ്യന്തര വകുപ്പ് തന്നെ ഏല്പിച്ചു.
റൊണാള്‍ഡോ റിവാള്‍ഡോ എന്ന പോലെ മാരകമായ കോമ്പിനേഷനാണ് മോദി-ഷാ. മനുഷ്യാവകാശ പ്രവര്‍ത്തകര്‍ക്കും സാംസ്‌കാരിക നായികാ നായകന്മാര്‍ക്കും പിടിപ്പതു പണിയാകും, വരും നാളുകളില്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
