കൊച്ചി: എറണാകുളം നിയോജക മണ്ഡലത്തിലേക്ക് നടന്ന ഉപതെരഞ്ഞെടുപ്പില്‍ യുഡിഎഫിന് വിജയം. യുഡിഎഫിന്റെ ടി ജെ വിനോദ് 3673 വോട്ടുകളുടെ ഭൂരിപക്ഷത്തിനാണ് വിജയിച്ചത്. എല്‍ഡിഎഫാണ് രണ്ടാം സ്ഥാനത്ത്. എന്‍ഡിഎയാണ് മൂന്നാമത്.
136 ബൂത്തുകള്‍ എണ്ണികഴിഞ്ഞപ്പോള്‍ 37516 വോട്ടുകളാണ് വിനോദിന് ലഭിച്ചത്. എല്‍ഡിഎഫിന്റെ മനു റോയി 33843 വോട്ടുകള്‍ നേടി. സിജെ രാജഗോപാലിന് 13,259 വോട്ടുകളാണ് ലഭിച്ചത്. മനു റോയിയുടെ അപരന്‍ മനു കെ എം 2544 വോട്ടുകള്‍ നേടി നാലാമത് എത്തി. നോട്ടയ്ക്ക് 1297 വോട്ടുകളാണ് ലഭിച്ചത്.
നിയമസഭ തെരഞ്ഞെടുപ്പില്‍ 21,949 വോട്ടുകളുടെ ഭൂരിപക്ഷത്തിലാണ് ഹൈബി ഈഡന്‍ ജയിച്ചത്. ലോക്‌സഭ തെരഞ്ഞെടുപ്പില്‍ എറണാകുളം മണ്ഡലത്തില്‍ യുഡിഎഫിന്റെ ഭൂരിപക്ഷം ഉയര്‍ന്ന് 31,178 വോട്ടുകളായി.
അഞ്ചു നിയമസഭ മണ്ഡലങ്ങളിലേക്ക നടന്ന ഉപതെരഞ്ഞെടുപ്പില്‍ ഏറ്റവും കുറവ് വോട്ടിങ് ശതമാനം എറണാകുളത്താണ്. 57 ശതമാനമായിരുന്നു വോട്ടിങ്. വോട്ടെണ്ണല്‍ ദിവസം പെയ്ത കന്നത്തമഴയാണ് എറണാകുളത്തെ വോട്ടെടുപ്പിനെ ബാധിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
