ന്യൂഡൽ‌‍ഹി : കോവിഡ് രോഗമുക്തി നേടുന്നവരുള്ള സംസ്ഥാനങ്ങളുടെ പട്ടികയിൽ കേരളം മുന്നിൽ. നൂറിലേറെ കോവിഡ് ബാധിതരുള്ള സംസ്ഥാനങ്ങളുടെ രോഗമുക്തി നിരക്കിലാണ് കേരളം ബഹുദൂരം മുന്നിലെത്തിയത്. കേരളത്തിൽ കോവിഡ് സ്ഥിരീകരിച്ചതിൽ പകുതിയിലേറെ പേരും (52.24%) രോഗമുക്തരായി. രണ്ടാം സ്ഥാനത്ത് കർണാടകയാണുള്ളത്.
കർണാടകയിൽ 24.57% പേരാണ് രോഗമുക്തി നേടിയതെന്ന് കേന്ദ്ര ആരോഗ്യമന്ത്രാലയം പുറത്തുവിട്ട കണക്കുകൾ വ്യക്തമാക്കുന്നു. അതേസമയം, കേരളത്തെക്കാൾ രോഗികളുള്ള (564) മധ്യപ്രദേശിൽ ഒരാൾക്കു പോലും രോഗം ഭേദമായിട്ടില്ല. ഡൽഹിയിലും രോഗമുക്തരായവരുടെ നിരക്കു കുറവാണ്; 2.34%.
നൂറിലേറെ പേർക്കു രോഗം സ്ഥിരീകരിച്ച സംസ്ഥാനങ്ങളിൽ ഏറ്റവും കുറവ് മരണനിരക്ക് രാജസ്ഥാനിലും (0.37%) രണ്ടാമത് കേരളത്തിലുമാണ്.
കേരളത്തിൽ ഇന്നലെ കോവിഡ് സ്ഥിരീകരിച്ചത് മൂ്നനു പേർക്കു മാത്രമാണ്. 19 പേർ രോഗമുക്തരായി. ഇതോടെ സംസ്ഥാനത്ത് മൊത്തം 198 പേർ രോഗമുക്തരായി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
