തിരുവനന്തപുരം: കോവിഡ് വ്യാപനം അതിരൂക്ഷമായി തുടരുന്ന തിരുവനന്തപുരത്ത് ഇന്ന് രോഗം സ്ഥിരീകരിച്ചത് 485പേര്ക്ക്. ഇതില് 435പേര്ക്കും സമ്പര്ക്കംവഴിയാണ് രോഗം സ്ഥിരീകരിച്ചത്. 33പേരുടെ രോഗ ഉറവിടം ലഭ്യമല്ല. 7 ആരോഗ്യപ്രവര്ത്തകര്ക്കും രോഗം സ്ഥിരീകരിച്ചിട്ടുണ്ട്. 777പേരുടെ പരിശോധനാഫലം നെഗറ്റീവ് ആയി. ജില്ലയില് സ്ഥിതി നിയന്ത്രണ വിധേയമാക്കാന് ശക്തമായ ഇടപെടല് തുടരേണ്ട സാഹചര്യമാണെന്ന് മുഖ്യമന്ത്രി പിണറായി വിജയന് വാര്ത്താ സമ്മേളനത്തില് പറഞ്ഞു.
സംസ്ഥാനത്ത് ഏറ്റവുംകൂടുതല് കോവിഡ് ബാധ റിപ്പോര്ട്ട് ചെയ്ത ദിനമാണ് ഇന്ന്. 1420 പേര്ക്കാണ് രോഗം സ്ഥിരീകരിച്ചത്. നാല് പേര് മരിച്ചതായി മുഖ്യമന്ത്രി പിണറായി വിജയന് വ്യക്തമാക്കി. 1715 പേര്ക്കാണ് ഇന്ന് രോഗമുക്തി.
നാല് മരണവും സ്ഥിരീകരിച്ചിട്ടുണ്ട്. കാസര്കോട് ഉപ്പള സ്വദേശി വിനോദ് കുമാര്(41), കോഴിക്കോട് വെള്ളികുളങ്ങര സുലൈഖ(63), കൊല്ലം കിളിക്കൊല്ലൂര് ചെല്ലപ്പന്(60), ആലപ്പുഴ പാണാവള്ളിയിലെ പുരുഷോത്തമന്(84) എന്നിവരുടെ മരണമാണ്ഇന്ന് സ്ഥിരീകരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ