കൊല്ലം: കരുനാഗപ്പള്ളി പുത്തൻതെരുവില് വൻ മോഷണം. വീട് കുത്തിത്തുറന്ന് 45 പവൻ സ്വര്ണവും പണവും കവര്ന്നു. കരുനാഗപ്പള്ളി പുത്തൻതെരുവിലുള്ള റഷീദ് കുട്ടിയുടെ വീട്ടിലാണ് മോഷണം നടന്നത്. പൊലീസ് അന്വേഷണം ആരംഭിച്ചു.
മുൻ വാതില് കമ്പിപ്പാര കൊണ്ട് തകര്ത്താണ് കള്ളന്മാര് അകത്തു കടന്നത്. അലമാരയിലും മേശയിലുമായി സൂക്ഷിച്ച 45 പവൻ സ്വര്ണവും 70,000 രൂപയും നഷ്ടമായി. മോഷണ സമയത്ത് ആരും വീട്ടിലുണ്ടായിരുന്നില്ല.
പൊലീസും വിരലടയാള വിദഗ്ധരും ഡോഗ് സ്ക്വാഡും സ്ഥലത്തെത്തി തെളിവെടുത്തു. വീടിന് തൊട്ടടുത്തുള്ള മറ്റൊരു വീട്ടില് മോഷണ ശ്രമം നടന്നതായും കണ്ടെത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ