മലപ്പുറം: സംസ്ഥാനത്ത് ഇന്ന് കോവിഡ് സ്ഥിരീകരിച്ചവരില് ഭിക്ഷാടനം നടത്തുന്നയാളും. സേലം സ്വദേശിയായ 80കാരനാണ് രോഗം. മലപ്പുറം എടപ്പാളിലാണ് വയോധികന് രോഗം കണ്ടെത്തിയത്. മലപ്പുറത്ത് ഇന്ന് 12 പേര്ക്കാണ് രോഗബാധ കൊറോണ വൈറസ് ബാധ സ്ഥിരീകരിച്ചത്.
സംസ്ഥാനത്ത് ഇന്ന് 108 പേര്ക്കാണ് കോവിഡ് സ്ഥിരീകരിച്ചത്. കൊല്ലം ജില്ലയില് നിന്നുള്ള 19 പേര്ക്കും തൃശൂര് ജില്ലയില് നിന്നുള്ള 16 പേര്ക്കും മലപ്പുറം, കണ്ണൂര് ജില്ലകളില് നിന്നുള്ള 12 പേര്ക്ക് വീതവും പാലക്കാട് ജില്ലയില് നിന്നുള്ള 11 പേര്ക്കും കാസര്കോട് ജില്ലയില് നിന്നുള്ള 10 പേര്ക്കും പത്തനംതിട്ട ജില്ലയില് നിന്നുള്ള 9 പേര്ക്കും ആലപ്പുഴ, കോഴിക്കോട് ജില്ലകളില് നിന്നുള്ള 4 പേര്ക്ക് വീതവും തിരുവനന്തപുരം, ഇടുക്കി, എറണാകുളം ജില്ലകളില് നിന്നുള്ള 3 പേര്ക്ക് വീതവും കോട്ടയം ജില്ലയില് നിന്നുള്ള 2 പേര്ക്കുമാണ് രോഗം സ്ഥിരീകരിച്ചത്. ഇതില് 64 പേര് വിദേശ രാജ്യങ്ങളില് നിന്നും (യു.എ.ഇ. 28, കുവൈറ്റ്14, താജിക്കിസ്ഥാന്13, സൗദി അറേബ്യ4, നൈജീരിയ3, ഒമാന്1, അയര്ലാന്റ്1) 34 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര15, ഡല്ഹി8, തമിഴ്നാട്5, ഗുജറാത്ത്4, മധ്യപ്രദേശ്1, ആന്ധ്രാപ്രദേശ് 1) വന്നതാണ്. സമ്പര്ക്കത്തിലൂടെ 10 പേര്ക്കാണ് രോഗം ബാധിച്ചത്. പാലക്കാട് ജില്ലയിലെ 7 പേര്ക്കും മലപ്പുറം ജില്ലയിലെ 2 പേര്ക്കും തൃശൂര് ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗമുണ്ടായത്.
രോഗം സ്ഥിരീകരിച്ച് മലപ്പുറം ജില്ലയില് ചികിത്സയിലായിരുന്ന പരപ്പനങ്ങാടി സ്വദേശി ഹംസകോയ (61) ഇന്ന് രാവിലെ മരിച്ചു. രോഗം സ്ഥിരികരിച്ച് ചികിത്സയിലായിരുന്ന 50 പേരുടെ പരിശോധനാഫലം നെഗറ്റീവ് ആയി. പാലക്കാട് ജില്ലയില് നിന്നുള്ള 30 പേരുടെയും കോഴിക്കോട് ജില്ലയില് നിന്നുള്ള 7 പേരുടെയും (6 എയര് ഇന്ത്യ ജീവനക്കാര്), എറണാകുളം ജില്ലയില് നിന്നുള്ള 6 പേരുടെയും (രണ്ട് കൊല്ലം സ്വദേശികള്), കണ്ണൂര് ജില്ലയില് നിന്നുള്ള 5 പേരുടെയും ഇടുക്കി, കാസര്കോട്് ജില്ലകളില് നിന്നുള്ള ഓരോരുത്തരുടെ വീതവുമാണ് പരിശോധനാഫലം നെഗറ്റീവ് ആയത്. 1029 പേരാണ് രോഗം സ്ഥിരീകരിച്ച് ചികിത്സയിലുള്ളത്. 762 പേര് കോവിഡ് മുക്തരായി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ