അബുദാബി: യുഎഇയില്‍ ഒരു മലയാളി കൂടി മരിച്ചു. വടകര സ്വദേശി ഫൈസലാണ് മരിച്ചത്. 46 വയസായിരുന്നു. ഒരാഴ്ചയായി വെന്റിലേറ്ററിലായിരുന്നുയ അതേസമയം യുഎഇ കോവിഡ് രോഗികളുടെ എണ്ണത്തില്‍ ഇന്ന് റെക്കോര്‍ഡ് വര്‍ധനവ് രേഖപ്പെടുത്തി.
ഇന്ന് കൊവിഡ്19 സ്ഥീരീകരിച്ചത് 781 പേര്‍ക്ക്. ഒറ്റദിവസം രേഖപ്പെടുത്തുന്ന ഏറ്റവും വലിയ വര്‍ധനവാണ് ഇത്. കൊറോണ വൈറസ് ബാധിച്ച് ഇന്ന് മാത്രം 13 പേര്‍ മരിച്ചു. രാജ്യത്ത് കൊവിഡ് രോഗികളുടെ എണ്ണം 18000 കവിഞ്ഞു.
ഇതുവരെ മരിച്ചത് 198 പേര്‍. രോഗം മാറുന്നവരുടെ എണ്ണത്തിലും വര്‍ധനയുണ്ട്. ഇന്ന് 500ലധികം പേര്‍ക്ക് രോഗം മാറി. ഇതോടെ ഇതുവരെ വൈറസ് ബാധ മാറിയവരുടെ എണ്ണം 4800 കടന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
