കൊച്ചി : ലൈഫ് മിഷന് പദ്ധതിയുമായി ബന്ധപ്പെട്ട സിബിഐ അന്വേഷണത്തിന് എതിരെ സമര്പ്പിച്ചിട്ടുള്ള ഹര്ജികളില് ഹൈക്കോടതി നാളെ വിധി പുറപ്പെടുവിക്കും. സംസ്ഥാന സര്ക്കാരും യൂണിടാക്കുമാണ് സിബിഐ അന്വേഷണത്തെ എതിര്ത്ത് കോടതിയെ സമാപിച്ചത്. അന്വേഷണത്തിന് സിബിഐക്ക് അധികാരമില്ലെന്നാണ് സര്ക്കാരിന്റെ വാദം.
സിബിഐ അന്വേഷണം ഫെഡറല് സംവിധാനത്തിന് വിരുദ്ധമാണ്. കോണ്സുലേറ്റിന്റെ പണം യൂണിടാക്ക് വാങ്ങിയതില് സര്ക്കാരിന് പങ്കില്ല. ലൈഫ് മിഷന് വിദേശത്ത് നിന്ന് പണം ലഭിച്ചിട്ടില്ലെന്നും എഫ്സിആര്എ പരിധിയില് വരില്ലെന്നും സര്ക്കാര് വാദിച്ചു.
ലൈഫ് മിഷന് ധാരണാപത്രം മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം ശിവശങ്കര് ഹൈജാക്ക് ചെയ്തെന്ന് സിബിഐ കോടതിയിൽ വ്യക്തമാക്കി. പദ്ധതി അധോലോക ഇടപാടെന്നും പണം വന്നത് ഗൂഢാലോചനയുടെ ഭാഗമായാണെന്നും സിബിഐ കോടതിയില് പറഞ്ഞു.
യൂണിടാക്കിന് കരാര് ലഭിച്ചത് ടെന്ഡര് വഴിയാണെന്നുള്ളത് കളവാണെന്നും സിബിഐ കോടതിയില് വാദിച്ചു. റെഡ് ക്രസന്റില് നിന്ന് കോണ്സുലേറ്റിന്റെ അക്കൗണ്ടിലേക്ക് പണം വരികയും അവിടെനിന്ന് യൂണിടാക്കിന് കൈമാറുകയാണ് ചെയ്തതെന്നും സിബിഐ കോടതിയില് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ