ചങ്ങനാശ്ശേരി: ബാലികയെ പീഡിപ്പിച്ച കേസിലെ പ്രതിക്ക് 40 വര്ഷം കഠിനതടവും ഒരു ലക്ഷം രൂപ പിഴയും. എരുമേലി എഴുകുംമണ്ണ് ഈട്ടിക്കല് ജോണ് തോമസിനെയാണ് ചങ്ങനാശ്ശേരി അതിവേഗ പോക്സോ കോടതി ശിക്ഷിച്ചത്.
തടവ് ഒരുമിച്ച് അനുഭവിച്ചാല് മതിയെന്ന് വിധിയില് വ്യക്തമാക്കിയതിനാല് 20 വര്ഷമാകും തടവ്. എരുമേലി പൊലീസാണ് കേസ് രജിസ്റ്റര് ചെയ്തത്. പിഴത്തുകയായ ഒരു ലക്ഷം രൂപ പീഡനത്തിരയായ പെണ്കുട്ടിക്ക് നല്കണം. പിഴ അടച്ചില്ലെങ്കില് രണ്ടു വര്ഷംകൂടി തടവ് അനുഭവിക്കണമെന്ന് ചങ്ങനാശ്ശേരി അതിവേഗ പ്രത്യേക കോടതി ജഡ്ജി പി. ജയചന്ദ്രന് ഉത്തരവിട്ടു. പ്രോസിക്യൂഷന് 15 സാക്ഷികളെ വിസ്തരിച്ചു. പ്രോസിക്യൂഷനുവേണ്ടി സ്പെഷല് പബ്ലിക് പ്രോസിക്യൂട്ടര് പി.എസ്. മനോജ് ഹാജരായി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ