തിരുവനന്തപുരം: തിരുവനന്തപുരം നെയ്യാറ്റിന്കര മാരായമുട്ടത്ത് യുവാവിനെ തലയ്ക്ക് അടിച്ചു കൊലപ്പെടുത്തി. മാരായമുട്ടം സ്വദേശി ശാന്തകുമാറാണ് മരിച്ചത്. മുഖം ചതഞ്ഞ നിലയില് വീടിന് സമീപമുള്ള പറമ്പിലാണ് ശാന്തകുമാറിന്റെ മൃതദേഹം കണ്ടെത്തിയത്.
മദ്യപാനത്തിനിടെയുണ്ടായ വാക്കു തര്ക്കമാണ് കൊലപാതകത്തിന് കാരണമെന്ന് പൊലീസ് പറഞ്ഞു. കഴിഞ്ഞ ദിവസം രാത്രി കൂട്ടുകാരുമൊത്ത് ശാന്തകുമാര് ഇവിടെ ഇരുന്ന് മദ്യപിച്ചിരുന്നു. ശാന്തകുമാര് കൂട്ടുകാരില് നിന്ന് പണം കടം വാങ്ങിയിരുന്നുവെന്നും ഇതേ ചൊല്ലിയുള്ള തര്ക്കമാണ് കൊലപാതകത്തില് കലാശിച്ചതെന്നുമാണ് സംശയം.
വീട് പണിയാനാണ് ശാന്തകുമാര് സുഹൃത്തുക്കളില് നിന്ന് പണം കടം വാങ്ങിയത്. മൃതദേഹം കിടന്നതിന് സമീപം ഒരു ബൈക്കുമുണ്ട്. സംഭവത്തില് മാരായമുട്ടം സ്വദേശിയായ ഒരാളെ പൊലീസ് കസ്റ്റഡിയിലെടുത്തിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ