തിരുവനന്തപുരം: രാത്രിയില്‍ പെണ്‍വേഷം കെട്ടിനടന്ന യുവാവിനെ നാട്ടുകാര്‍ പിടികൂടി പൊലീസില്‍ ഏല്‍പിച്ചു. തൈക്കാട്ടുശേരി നഗരി സ്വദേശിയെയാണ് പൊലീസില്‍ ഏല്‍പിച്ചത്. സ്ത്രീകള്‍ ധരിക്കുന്ന വസ്ത്രങ്ങള്‍ ധരിച്ച് കഴിഞ്ഞ ദിവസം രാത്രിയാണ് ഇയാള്‍ മാക്കേക്കടവ് ജങ്ഷനിലെത്തിയത്.
നാട്ടുകാരില്‍ ചിലര്‍ കാര്യങ്ങള്‍ ചോദിച്ചപ്പോള്‍, വൈക്കത്തുനിന്നു വരികയാണെന്നായിരുന്നു മറുപടി. സംശയം തോന്നിയ നാട്ടുകാര്‍ വിവരം പൊലീസിനെ അറിയിച്ചു. തുടര്‍ന്ന് പൂച്ചാക്കല്‍ പൊലീസ് എത്തി ചോദ്യം ചെയ്തപ്പോള്‍ മദ്യപിച്ചിട്ടുണ്ടെന്നും വീട്ടുകാരോട് വഴക്കിട്ടിറങ്ങിയതാണെന്നും അറിയിച്ചു. തുടര്‍ന്ന് രാത്രിതന്നെ യുവാവിനെ പൊലീസ് വീട്ടില്‍ കൊണ്ടുവിട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
