ആലപ്പുഴ: ശബരിമല ദർശനത്തിനായി ചെങ്ങന്നൂരിലെത്തിയ യുവതി തീർഥാടകരുടെ പ്രതിഷേധത്തെത്തുടർന്ന് മടങ്ങി. ഇന്നലെ രാത്രി ഒൻപതുമണിയോടെ ശബരിമലയ്ക്കുപോകണമെന്ന ആവശ്യവുമായി റെയിൽവേ സ്റ്റേഷൻ പരിസരത്തെ പമ്പ ബസിനുള്ളിൽക്കയറുകയായിരുന്നു യുവതി.
തീർഥാടകരുടെ പ്രതിഷേധത്തത്തുടർന്ന് ഇവർ ബസിൽനിന്നിറങ്ങി. ചെങ്ങന്നൂർ പോലീസെത്തി സംസാരിച്ചപ്പോൾ നാട്ടിലേക്കുമടങ്ങാമെന്നു യുവതി അറിയിച്ചു. കൊല്ലം സ്വദേശിനിയാണെന്നുപറഞ്ഞ യുവതി തമിഴും ഇംഗ്ലീഷും ഇടകലർത്തിയാണു സംസാരിച്ചതെന്ന് പൊലീസ് പറഞ്ഞു. കെഎസ്ആർടിസി ബസ്‌ സ്റ്റാൻഡിലെത്തിച്ച ഇവർ പിന്നീട് തിരുവനന്തപുരം ബസിൽ ഇവർ കയറിപ്പോയെന്ന് ദൃക്‌സാക്ഷികൾ പറയുന്നു. യുവതിക്ക് മാനസിക പ്രശ്നമുണ്ടെന്നു സംശയിക്കുന്നതായും പൊലീസ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
