തൃശൂര്: ബസില് തോക്കുമായി യാത്ര ചെയ്യുകയായിരുന്ന യുവാവ് കസ്റ്റഡിയില് ആര്ത്താറ്റ് മുല്ലയ്ക്കല് ആഘോഷ് ആണ് കസ്റ്റഡിയിലായത്. കുന്നംകുളം നഗരത്തില് തോക്കുമായി ഒരാള് ബസില് യാത്ര ചെയ്യുന്നതായ വിവരം അസിസ്റ്റന്റ് കമ്മീഷണര്ക്കു ലഭിച്ചതിനെ തുടര്ന്നു നടത്തിയ പരിശോധനയില് ഇയാളെ കണ്ടെത്തി കസ്റ്റഡിയില് എടുക്കുകയായിരുന്നു.
പ്രാഥമിക പരിശോധനയില് അപകടകരമല്ലാത്ത എയര് പിസ്റ്റളാണെന്നാണു തിരിച്ചറിഞ്ഞിട്ടുള്ളത്. എറണാകുളത്തു നിന്നു വാങ്ങിയതാണ് എന്നാണു മൊഴി. വിദേശത്തു ജോലിയിലായിരുന്ന ഇയാള് നാട്ടിലെത്തി സൂപ്പര് മാര്ക്കറ്റ് ബിസിനസ് ചെയ്യുകയാണ്. കേസെടുക്കണോ എന്ന കാര്യത്തില് തീരുമാനം ആയില്ലെന്നു പൊലീസ് പറഞ്ഞു. പൊലീസ് ചോദ്യം ചെയ്തു വരികയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ