തിരുവനന്തപുരം : ഭരണത്തിലെ പോരായ്മകളും ചരിചയക്കുറവും പരിഹരിക്കുക ലക്ഷ്യമിട്ട് മന്ത്രിമാര്‍ക്ക് പഠന ക്ലാസ് നടത്തുന്നു. ഈ മാസം 20,21,22 തീയതികളിലാണ് ക്ലാസ് നടക്കുന്നത്. തിരുവനന്തപുരത്ത് ഇന്‍സ്റ്റ്യൂട്ട് ഓഫ് മാനേജ്‌മെന്റില്‍ രാവിലെ 9.30 മുതല്‍ 1.30 വരെ ഒന്‍പതു ക്ലാസുകളാണ് നടക്കുക.
എങ്ങനെ നന്നായി ഭരിക്കാമെന്നതാണ് വിഷയം. മുഖ്യമന്ത്രിയാണ് പഠനക്കളരി എന്ന ആശയം മുന്നോട്ടുവെച്ചത്. മന്ത്രിമാരിലേറെയും പുതുമുഖങ്ങളാണ്. ചിലര്‍ക്കെങ്കിലും ഭരണകാര്യങ്ങളില്‍ പിടിപ്പുപോരെന്ന അണിയറ വര്‍ത്തമാനം സജീവമായ പശ്ചാത്തലത്തിലാണ് പഠന ക്ലാസ് സംഘടിപ്പിക്കുന്നത്.
കേരളത്തിനകത്തും പുറത്തുമുള്ള വിദഗ്ധരാണ് അധ്യാപകര്‍. സാമൂഹിക മാധ്യമങ്ങള്‍ എങ്ങനെ ഫലപ്രദമായി വിനിയോഗിക്കാം എന്നതുവരെ പഠനവിഷയങ്ങളിലുണ്ട്. നേരത്തെയും മന്ത്രിമാര്‍ക്ക് പഠനക്ലാസുകള്‍ നടന്നിട്ടുണ്ടെങ്കില്‍ ഇതാദ്യമായാണ് ഐഎംജിയില്‍ ക്ലാസ് നടക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
