തിരുവനന്തപുരം: സിപിഎമ്മിന്റെ പുതിയ ആസ്ഥാന മന്ദിരത്തിന് മുഖ്യമന്ത്രി പിണറായി വിജയൻ ശിലാസ്ഥാപനം നടത്തി. എകെജി സെന്ററിനു സമീപം പാർട്ടി വാങ്ങിയ സ്ഥലത്താണ് പുതിയ മന്ദിരം പണിയുന്നത്. നിലവിലുള്ള എകെജി പഠന ഗവേഷണ കേന്ദ്രം വിപുലമാക്കുന്നതിന്റെ ഭാഗമായാണ് പുതിയ മന്ദിരം പണിയാൻ തീരുമാനിച്ചത്.
ആറു നിലകളാണ് നിർമിക്കുന്നത്. പരിസ്ഥിതി സൗഹൃദമായ ‘ഗ്രീൻ ബിൽഡിങ്’ ആകും ഇത്. ശിലാസ്ഥാപന ചടങ്ങിൽ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ അധ്യക്ഷത വഹിച്ചു. പിബി അംഗം എസ്.രാമചന്ദ്രൻ പിള്ള കെട്ടിടത്തിന്റെ രൂപരേഖ പ്രകാശനം ചെയ്തു. പൈലിങ് ജോലിയുടെ സ്വിച്ച് ഓൺ പിബി അംഗം എം.എ.ബേബി നിർവഹിച്ചു.
എ.വിജരാഘവൻ സ്വാഗതം പറഞ്ഞു. നേതാക്കളായ എ.കെ.ബാലൻ, കെ.കെ.ശൈലജ, ആനത്തലവട്ടം ആനന്ദൻ, എം.എം.മണി, മന്ത്രിമാർ, മറ്റു പ്രമുഖർ തുടങ്ങിയർ പങ്കെടുത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ