കണ്ണൂര്‍: ആറളം ഫാമില്‍ തൊഴിലാളിയെ ആന ചവിട്ടിക്കൊന്നു. ഫാം ഏഴാം ബ്ലോക്കിലെ ദാമു ആണ് കൊല്ലപ്പെട്ടത്. ഈറ്റവെട്ടാന്‍ ഇറങ്ങിയപ്പോഴായിരുന്നു ആക്രമണം.
ഇന്ന് രാവിലെയാണ് കാട്ടാനയുടെ ആക്രമണം ഉണ്ടായത്. ആന ഇപ്പോഴും ഈ പ്രദേശത്ത് തന്നെ തുടരുകയാണ്. ആനയെ തുരത്താനുള്ള ശ്രമം വനംവകുപ്പ് നടത്തുന്നുണ്ട്.
ഇന്നലെ രാത്രി കാട്ടാനകള്‍ കൂട്ടത്തോടെ ഇറങ്ങിയിരുന്നതായി പ്രദേശവാസികള്‍ പറയുന്നു. വ്യാപകമായി കൃഷി നശിപ്പിക്കുകയും ചെയ്തിട്ടുണ്ട്. ഏതാനും മാസങ്ങള്‍ക്ക് മുന്‍പ് ആറളത്ത് ഒരു ചെത്തുതൊഴിലാളിയെ കാട്ടാന ചവിട്ടിക്കൊന്നിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
