ആലപ്പുഴ: വലിയഴീക്കല് ഹാര്ബറില് വള്ളം മുങ്ങി മത്സ്യത്തൊഴിലാളിയെ കാണാതായി. കൊല്ലം അമൃതപുരി സ്വദേശിയായ 28കാരന് ബിപിനെയാണ് കാണാതായത്.
ഇന്ന് രാവിലെ ആറ് മണിയോടെ വള്ളം തിരയില്പ്പെട്ട് മറിഞ്ഞത്. കരുനാഗപ്പള്ളിയിലെ ബാബുവിന്റെ ഉടമസ്ഥതയിലുള്ള വള്ളമാണ് അപകടത്തില്പ്പെട്ടത്. വള്ളത്തില് 37 തൊഴിലാളികള് ഉണ്ടായിരുന്നു. ഇതില് 7 പേരാണ് അപകടത്തില്പ്പെട്ടത്. ഇവരില് ചിലര് നീന്തിയും മറ്റുള്ളവരെ സമീപത്തുണ്ടായിരുന്ന വളളത്തിലുള്ളവരും രക്ഷിക്കുകയായിരുന്നു.
കരുനാഗപ്പള്ളി സ്വദേശിയായ ബിപിനെയാണ് കാണാതായത്. ഇയാള്ക്കായി കോസ്റ്റല് പൊലീസും ഫയര്ഫോഴ്സും തിരച്ചില് തുടരുകയാണ്. വെള്ളത്തില് വീണ് പരിക്കേറ്റവരെ കരുനാഗപ്പള്ളി താലൂക്ക് ആശുപത്രിയില് പ്രവേശിപ്പിച്ചു.
ഈ വാർത്ത കൂടി വായിക്കാം
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ