തിരുവനന്തപുരം: എല്ദോസ് കുന്നപ്പള്ളി എംഎല്എ പല സ്ഥലത്ത് കൊണ്ടുപോയി പീഡിപ്പിച്ചെന്ന് പരാതിക്കാരി മജിസ്ട്രേറ്റിന് മുമ്പാകെ മൊഴി നല്കി. എല്ദോസ് ശാരീരികോപദ്രവം എല്പ്പിച്ചെന്നും, പരാതി പിന്വലിക്കാന് പണം വാഗ്ദാനം ചെയ്തെന്നും സുഹൃത്തായ യുവതി മൊഴി നല്കി. വഞ്ചിയൂര് മജിസ്ട്രേറ്റ് കോടതിയിലാണ് യുവതി മൊഴി നല്കിയത്.
കഴിഞ്ഞ മാസം പതിനാലിനാണ് എല്ദോസ് കുന്നപ്പിള്ളിയും സുഹൃത്തായ അധ്യാപികയും കോവളത്തെത്തിയത്. അവിടെ വെച്ച് വാക്കുതര്ക്കമുണ്ടാവുകയും എൽദോസ് മര്ദിച്ചുവെന്നും യുവതി പറയുന്നു. പിന്നീട് സിറ്റി പൊലീസ് കമ്മീഷണര്ക്ക് യുവതി പരാതി നല്കിയിരുന്നു. പരാതി കോവളം സ്റ്റേഷനിലേക്ക് കൈമാറിയെങ്കിലും കേസെടുത്തിരുന്നില്ല. ഇതിനിടെ പരാതി ഒത്തുതീർക്കാൻ സമ്മർദ്ദം ഉണ്ടായെന്നും യുവതി പറഞ്ഞു.
കാറിനുള്ളിൽ വെച്ചാണ് എൽദോസ് തന്നെ കൈയ്യേറ്റം ചെയ്തതെന്നും യുവതി വ്യക്തമാക്കി. ഇതിനിടെ യുവതിയെ കാണാനില്ലെന്ന പരാതിയും വന്നിരുന്നു. ഇതേതുടര്ന്ന് വഞ്ചിയൂര് പൊലീസ് കേസെടുത്തു. ഇന്നലെ വൈകീട്ട് കോവളം പൊലീസ് സ്റ്റേഷനില് ഹാജരായ യുവതി എംഎല്എക്കെതിരായ പരാതിയില് ഉറച്ചുനില്ക്കുകയാണെന്ന് പൊലീസിനെ അറിയിച്ചു. കാണാനില്ലെന്ന പരാതിയില് കേസെടുത്തതിനാല് വഞ്ചിയൂര് സ്റ്റേഷനിലും യുവതി ഹാജരായി.
തുടര്ന്ന് മജിസ്ട്രേറ്റിന് മുന്നിലും മൊഴി രേഖപ്പെടുത്തുകയായിരുന്നു. യുവതിയുടെ മൊഴിയുടെ അടിസ്ഥാനത്തിൽ എൽദോസ് കുന്നപ്പിള്ളി എംഎൽഎക്കെതിരെ കേസെടുക്കാനാണ് പൊലീസിന്റെ തീരുമാനം. പരാതിക്കാരിയോട് മൊഴിയെടുക്കാന് ചൊവ്വാഴ്ച രാവിലെ 10ന് സ്റ്റേഷനിലെത്താന് കോവളം പൊലീസ് ആവശ്യപ്പെട്ടിട്ടുണ്ട്.
ഈ വാര്ത്ത കൂടി വായിക്കൂ കൊച്ചിയില് തെരുവുനായ ആക്രമണം; 12 പേര്ക്ക് കടിയേറ്റു
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ