കൊച്ചി: എസ്എഫ്ഐ സംസ്ഥാന സെക്രട്ടറി പിഎം ആര്ഷോയ്ക്ക് ഹൈക്കോടതി ജാമ്യം അനുവദിച്ചു. നേരത്തെ പരീക്ഷയെഴുതാന് ആര്ഷോയ്ക്ക് ഹൈക്കോടതി ഇടക്കാല ജാമ്യം അനുവദിച്ചിരുന്നു. ഇതിന് പിന്നാലെയാണ് ഉപാധികളോടെ ഹൈക്കോടതി ജാമ്യം അനുവദിച്ചത്.
സാക്ഷികളെ സ്വാധീനിക്കരുത്, സമാന കുറ്റത്തിലേര്പ്പെടരുത് തുടങ്ങിയ വ്യവസ്ഥകളോടെയാണ് ജസ്റ്റിസ് വിജു എബ്രഹാമിന്റെ ഉത്തരവ്. വിദ്യാര്ഥിയെ ആക്രമിച്ച കേസില് ജാമ്യവ്യവസ്ഥകള് ലംഘിച്ചതിനാണ് അര്ഷോ അറസ്റ്റിലായത്. സമാന കുറ്റകൃത്യം ആവര്ത്തിച്ചെന്നായിരുന്നു പരാതി. ഇതേത്തുടര്ന്ന് കോടതി നിര്ദേശപ്രകാരം അര്ഷോയെ റിമാന്ഡ് ചെയ്യുകയായിരുന്നു.
2018ല് ഈരാറ്റുപേട്ട സ്വദേശി നിസാമുദ്ദീന് എന്ന വിദ്യാര്ഥിയെ മര്ദിച്ചതുമായി ബന്ധപ്പെട്ട കേസിലാണ് അര്ഷോയ പൊലീസ് അറസ്റ്റ് ചെയ്തിരുന്നത്. ഈ കേസില് ജാമ്യം കിട്ടി പുറത്തിറങ്ങിയിട്ടും നിരവധി കേസുകളില് തുടര്ന്നും അര്ഷോ പ്രതിയായി. ഇതോടെ ജാമ്യ ഉപാധികള് ലംഘിച്ചെന്ന് കാട്ടിയാണ് ജസ്റ്റിസ് സുനില് തോമസ് അധ്യക്ഷനായ ബഞ്ച് പിഎം ആര്ഷോയുടെ ജാമ്യം റദ്ദാക്കിയിരുന്നു. തുടര്ന്നാണ് അര്ഷോയെ പൊലീസ് അറസ്റ്റ് ചെയ്തത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ടസ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ