കൊച്ചി; ബിജെപി എറണാകുളം ജില്ലാ കമ്മിറ്റിയിൽ അംഗമായി ട്രാന്സ്ജെന്ഡര് യുവതി അതിഥി അച്യുത്. കേരളത്തിൽ തന്നെ ആദ്യമായാണ് ഒരു ട്രാൻസ്ജെൻഡർ ജില്ലാ കമ്മിറ്റിയിലേക്ക് നാമനിർദേശം ചെയ്യപ്പെടുന്നത്. തുടർന്ന് അതിഥി അച്യുതിന് ബിജെപി എറണാകുളം ജില്ല ഓഫീസിൽ സ്വീകരണം നൽകി.
ബിജെപി എറണാകുളം ജില്ലാ കമ്മിറ്റിയിലേക്ക് ഒരു ട്രാൻസ്ജെൻഡറായ തന്നെ നാമനിർദേശം ചെയ്തത് ഈ സമൂഹത്തിന് ബി ജെ പി നൽകുന്ന അംഗീകാരമാണെന്നാണ് അതിഥി അച്യുത് പറഞ്ഞത്. കേന്ദ്ര ധനകാര്യ മന്ത്രി നിർമലാ സീതാ രാമനിൽ നിന്നും അംഗത്വമെടുക്കാനും നരേന്ദ്ര മോദി നയിക്കുന്ന പാർട്ടിയുടെ ഭാഗമാകാനും കഴിഞ്ഞത് ഭാഗ്യമാണെന്നും അവർ കൂട്ടിച്ചേർത്തു.
രാജ്യത്ത് ആദ്യമായി മത്സ്യമേഖല സംരംഭകയായ ട്രാന്സ്ജെന്ഡറാണ് അതിഥി അച്യുത്. ഫേയ്സ്ബുക്ക് പോസ്റ്റിലൂടെയും അംഗീകാരത്തിന് ഇവർ നന്ദി അറിയിച്ചിട്ടുണ്ട്. ഭാരതീയ ജനത പാര്ട്ടിയുടെ എറണാകുളം ജില്ല കമ്മിറ്റി അംഗമായി ഒരു അവസരം നല്കിയതിന് ഹൃദയത്തിന്റെ ഭാഷയില് നന്ദി രേഖപ്പെടുത്തുന്നതായാണ് കുറിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ