തിരുവനന്തപുരം: വിദേശത്ത് ജോലി വാഗ്ദാനം ചെയ്ത് ദമ്പതികള്‍ ലക്ഷങ്ങള്‍ തട്ടിയതായി പരാതി. തിരുവനന്തപുരം കല്ലിയൂര്‍ സ്വദേശികളായ ഷീന, ഭര്‍ത്താവ് ശരത് എന്നിവര്‍ക്കെതിരെയാണ് സംസ്ഥാനത്തിന്റെ വിവിധ ഭാഗങ്ങളില്‍ പരാതി രജിസ്റ്റര്‍ ചെയ്തത്.
സൗദി അറേബ്യയയിലെ കുബൂസ് കമ്പനിയിലേക്ക് വിസ ശരിയാക്കി നല്‍കാമെന്ന് പറഞ്ഞ് തിരുവനന്തപുരം, കൊല്ലം, ഇടുക്കി, മലപ്പുറം ജില്ലകളിലെ നൂറോളം പേരില്‍നിന്ന് ലക്ഷങ്ങള്‍ തട്ടിയെടുത്തെന്നാണ് പരാതി. പണം വാങ്ങി കുറച്ചുനാള്‍ ആശയവിനിമയം നടത്തി. പിന്നീട് ഫോണ്‍ എടുക്കുകയോ പ്രതികരിക്കുകയോ ചെയ്യാറില്ലെന്ന് പരാതിക്കാര്‍ പറയുന്നു.
ഓരോരുത്തരോടും 60,000 രൂപയാണ് വിസക്ക് പറഞ്ഞുറപ്പിച്ചത്. പലരും 40,000 രൂപ വരെ ഷീനയുടെ അക്കൗണ്ടിലേക്ക് അയച്ചുകൊടുത്തു. പണം കൊടുത്ത് 45 ദിവസത്തിനകം വിസ നല്‍കാമെന്നായിരുന്നു വാഗ്ദാനം. ശരത് മുമ്പും ഇത്തരം തട്ടിപ്പ് നടത്തിയിരുന്നതായി അന്വേഷണത്തില്‍ അറിഞ്ഞതായി പരാതിക്കാര്‍ പറയുന്നു. തട്ടിപ്പ് വിവരം പുറത്തറിഞ്ഞതിനെ തുടര്‍ന്ന് പലരും പുതിയ പരാതികളുമായി രംഗത്തെത്തിയിട്ടുണ്ട്?.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
