എനിക്കു ചുറ്റും
ഒരു നദി ഒഴുകുന്നുണ്ട്.
ചിലപ്പോള്
ഞാനതിന്റെ കരയില്
ഒറ്റയ്ക്കിരുന്ന്
വെള്ളത്തിലൊഴുകി വരുന്ന
ഇലകളെ നോക്കും.
മഞ്ഞയിലും മഞ്ഞപടര്ന്ന
ഇളം ചുവപ്പിലും
കരിവിയന്ന ചാരനിറത്തിലും
ഇലകള്.
കാറ്റ്, ചില ഇലകളെ പറത്തി
എന്റെ മടിയില് കൊണ്ടുവന്നിടും
ഞാനവ കയ്യില് വച്ച്
എന്തോ ഓര്ത്തിരിക്കും.
പിന്നെ, പതുക്കെ അവയെ
വെള്ളത്തിലൊഴുക്കും.
ഓളങ്ങളില്
വെള്ളിമുത്തുകള് ചിതറുന്നതു കണ്ടാല്
എല്ലാം കോര്ത്തെടുത്തൊരു
മാല തീര്ത്ത്
നദിക്കു തന്നെ സമര്പ്പിക്കാന് തോന്നും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ