അബദ്ധത്തില്‍ അപകടം സംഭവിക്കുന്ന നിരവധി സംഭവങ്ങള്‍ ഉണ്ടായിട്ടുണ്ട്. ക്രിസ്മസ് കരോളിന് കാമുകനൊപ്പം പാട്ട് പാടുന്നതിനിടെ അബദ്ധവശാല്‍ യുവതിയുടെ മുടിയില്‍ തീ ആളിപ്പടരുന്ന വീഡിയോയാണ് ഇപ്പോള്‍ സോഷ്യല്‍മീഡിയയില്‍ അടക്കം പ്രചരിക്കുന്നത്. മണിക്കൂറുകള്‍ക്കകം അഞ്ചുലക്ഷത്തിലധികം ആളുകളാണ് വീഡിയോ കണ്ടത്.
27 വയസുള്ള സോഫിയ കാമുകന്‍ അല്‍വാരോ സോളറിന് തൊട്ടടുത്തായി ഇരിക്കുകയാണ്. ഇരുവരും കരോള്‍ ഗാനം പാടുകയാണ്. വെളുത്ത വസ്ത്രമാണ് യുവതി ധരിച്ചിരിക്കുന്നത്. ക്രിസ്മസ് ട്രീയ്ക്ക് സമീപം ഇരുന്നാണ് ഇരുവരും കരോള്‍ ഗാനം പാടുന്നത്.
ഇവര്‍ക്ക് പിന്നിലായി രണ്ട് മെഴുകുതിരികള്‍ കത്തിച്ചുവെച്ചിട്ടുണ്ട്. പാട്ടിനിടെ പിന്നിലേക്ക് ചാഞ്ഞ സോഫിയയുടെ മുടിയിലാണ് തീ ആളിപ്പടര്‍ന്നത്. ആദ്യം ഇത് മനസിലാക്കാതെ പാട്ടില്‍ മുഴുകി മുന്നോട്ടുപോകുകയാണ് ഇരുവരും. അതിനിടെയാണ് ഇത് ശ്രദ്ധയില്‍പ്പട്ടത്. ഉടന്‍ തന്നെ കാമുകന്‍ ഇരുന്ന സീറ്റില്‍ നിന്ന് ചാടി യുവതിയെ രക്ഷിക്കാന്‍ ശ്രമിക്കുന്നത് വീഡിയോയില്‍ വ്യക്തമാണ്.
ഉടനെ തന്നെ കസേരയില്‍ നിന്ന് എഴുന്നേറ്റ യുവതി മുടിയില്‍ പടര്‍ന്ന തീ കെടുത്താന്‍ ശ്രമിക്കുന്നതും വീഡിയോയില്‍ വ്യക്തമാണ്. ലണ്ടനില്‍ നിന്നുള്ളതാണ് വീഡിയോ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
