ലാഹോര്: പാകിസ്ഥാന് മുന് പ്രധാനമന്ത്രി ഇമ്രാന് ഖാന് അറസ്റ്റില്. ഇസ്ലാമാബാദ് ഹൈക്കോടതിക്കു പുറത്തുവച്ച് അര്ധസൈനിക വിഭാഗം ഇമ്രാനെ അറസ്റ്റ് ചെയ്തതായാണ് റിപ്പോര്ട്ട്. അഴിമതിക്കേസുമായി ബന്ധപ്പെട്ടാണ് അറസ്റ്റ്. പാക്ക് പ്രാദേശിക മാധ്യമങ്ങളാണ് അറസ്റ്റ് വിവരം പുറത്തുവിട്ടത്. പ്രധാനമന്ത്രിയായിരിക്കെ വിദേശത്തുനിന്നു ലഭിച്ച വിലയേറിയ സമ്മാനങ്ങള് കൂടിയ വിലയ്ക്കു വിറ്റെന്നും ഇതിന്റെ കണക്കുകള് മറച്ചുവച്ച് നികുതി വെട്ടിച്ചെന്നതുമായി ബന്ധപ്പെട്ട തോഷഖാന കേസിലാണ് അറസ്റ്റെന്നാണ് വിവരം.
സെന്യം ഇമ്രാന് ഖാന്റെ വാഹനത്തെ വളയുന്നതും വാഹനത്തില് കയറ്റിക്കൊണ്ടുപോകുന്നതുമായ ദൃശ്യങ്ങള് ട്വിറ്ററില് പ്രചരിക്കുന്നുണ്ട്. ഇമ്രാന് ഖാനെ സൈന്യം മോശപ്പെട്ട രീതിയില് കൈകാര്യം ചെയ്തതായി ഇമ്രാന്റെ പാര്ട്ടിയായ പിടിഐ ആരോപിച്ചു.
പ്രധാനമന്ത്രിയായിരിക്കേ ലഭിച്ച സമ്മാനങ്ങള് അനധികൃതമായി സ്വന്തമാക്കുകയും മറിച്ചുവില്ക്കുകയും ചെയ്തുവെന്നത് അടക്കം നിരവധി അഴിമതി കേസുകള് ഇമ്രാന് നേരിടുന്നുണ്ട്. കേസുകളില് നിരവധി തവണ ചോദ്യംചെയ്യലിന് എത്താന് ആവശ്യപ്പെട്ടിട്ടും ഇമ്രാന് ഹാജരായിരുന്നില്ല.
അറസ്റ്റിന് പിന്നാലെ രാജ്യത്ത് ശക്തമായ പ്രതിഷേധ പരിപാടികള് നടത്താന് പിടിഐ നേതൃത്വം ആവശ്യപ്പെട്ടിട്ടുണ്ട്.
കഴിഞ്ഞ വര്ഷം ഏപ്രിലില് അധികാരത്തില് നിന്ന് പുറത്താക്കപ്പെട്ടതിന് ശേഷം ഇമ്രാനെതിരെ നൂറിലധികം കേസുകള് ഉണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ