കോവിഡ് മഹാമാരിക്ക് പിന്നാലെ നമ്മുടെ ചിന്തകളും ജീവിതവും മുന്‍ഗണന നല്‍കുന്ന കാര്യങ്ങളുമെല്ലാം മാറിമറിഞ്ഞു. എങ്ങനെ ജീവിക്കണമെന്ന നമ്മുടെ കാഴ്ചപ്പാടുതന്നെ വൈറസ് മാറ്റിയെന്ന് പറയാം. കൊറോണ വൈറസിനെതിരെ നമ്മള്‍ ശീലിച്ച പലതും ഇപ്പോള്‍ നമ്മുടെ ദൈനംദിന ജീവിതത്തിന്റെ ഭാഗമായി മാറിക്കഴിഞ്ഞു.
►ഇടയ്ക്കിടെ കൈകള്‍ വൃത്തിയായി കഴുകണമെന്നത് കോവിഡ് സമയത്തെ നിബന്ധനകളില്‍ ഒന്നായിരുന്നു. മുമ്പ് ഓര്‍ത്ത് കൈകഴുകിയിരുന്ന നമ്മള്‍ ഇപ്പോള്‍ അറിയാതെ പോലും ഇടയ്ക്കിടെ കൈകള്‍ കഴുകാറുണ്ട്.
►മാസ്‌ക് വൈറസിനെ മാത്രമല്ല അന്തരീക്ഷ മലിനീകരണത്തെ ചെറുക്കാനും ഒരു ആയുധമാണ്. ഇക്കാരണം കൊണ്ടുതന്നെയാണ് കോവിഡ് ഉണ്ടെങ്കിലും ഇല്ലെങ്കിലും മാസ്‌കിനെ നമ്മുടെ ജീവിതത്തിന്റെ ഭാഗമാക്കണമെന്ന് നമ്മള്‍ പഠിച്ചത്.
►മറ്റെന്തിനേക്കാളും പ്രാധാന്യം ആരോഗ്യത്തിന് നല്‍കാന്‍ തുടങ്ങിയതും ഒരു നല്ല മാറ്റമാണ്. പല രോഗങ്ങള്‍ക്കെതിരെയും പ്രതിരോധശേഷി കൈവരിക്കാന്‍ ആരോഗ്യത്തിന് മുന്‍ഗണന നല്‍കുന്ന ശീലം നമ്മളെ സഹായിക്കും. ആരോഗ്യകരമായ ജീവിതരീതിയും നല്ല ആഹാരക്രമവും പാലിക്കുന്നത് ശരീരത്തിന്റെ പ്രതിരോധശേഷി വര്‍ദ്ധിപ്പിക്കുമെന്ന പാഠം ഊട്ടിയുറപ്പിക്കാന്‍ മനുക്കായി.
►മദ്യപാനവും പുകവലിയും ഉണ്ടാക്കുന്ന പ്രശ്‌നങ്ങളെക്കുറിച്ച് കൂടുതല്‍ മനസ്സിലാക്കാനും കഴിഞ്ഞിട്ടുണ്ട്. പുകവലി ഏറെ ഹാനീകരമാണെന്നും ശരീരത്തിന്റെ പ്രതിരോധശേഷി നഷ്ടപ്പെടുത്താന്‍ ഈ ശീലങ്ങള്‍ കാരണമാകുമെന്നും വ്യക്തമായി മനസ്സിലാക്കി. ആരോഗ്യകരമായ ജീവിതം നയിക്കാന്‍ ഈ ശീലങ്ങള്‍ പതിയെ മാറ്റണം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ