ദേശീയ അവാര്‍ഡ് ജേതാവ് മധൂര്‍ ഭണ്ഡാര്‍ക്കറിന്റെ പുതിയ ചിത്രമാണ് ഇന്ദു സര്‍ക്കാര്‍.അടിയന്തരാവസ്ഥയുടെ കഥപറയുന്ന ചിത്രത്തിന്റെ ട്രെയിലര്‍ പുറത്തിറങ്ങി. 1975ലെ അടിയന്തരാവാസ്ഥയും രാഷ്ട്രീയ കോലാഹലങ്ങളും വരച്ചിടുന്ന ചിത്രം ജൂലൈ 28ന് തീയറ്ററുകളിലെത്തും.
അടിയന്തരാവസ്ഥയേയും ഇന്ദിരാ ഗാന്ധിയേയും സഞ്ജയ് ഗാന്ധിയേയും നിശിതമായി വിമര്‍ശിക്കുന്ന ചിത്രമാണ് ഇന്ദു സര്‍ക്കാര്‍ എന്ന് ട്രെയിലറില്‍ നിന്ന് തന്നെ വ്യകതമാണ്. വിറ്റ്‌നസ് എ ബ്ലാക് ചാപ്റ്റര്‍ ഓഫ് ഇന്ത്യന്‍ എമര്‍ജന്‍സി എന്ന ക്യാപ്ഷനുമായിട്ടാണ് ചിത്രം എത്തുന്നത്.
അടിയന്തരാവസ്ഥയില്‍ സാധാരണ ജനത അനുഭവിച്ച ദുരിതങ്ങളാണ് ചിത്രത്തിലുള്ളതെന്ന് ട്രെയിലറില്‍ നിന്ന് മനസ്സിലാക്കാന്‍ സാധിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ