ഹോളിവുഡ് ഫിലിം അവാര്‍ഡ്‌സിന്റെ 21-ാം എഡിഷണ്‍ ലോസ് ആഞ്ചലസ്സില്‍ നടന്നു. ജേക്ക് ഗില്ലെന്‍ഹാല്‍ മികച്ച നടനും കേറ്റ് വിന്‍സ്ലെറ്റ് മികച്ച നടിയുമായി തിരഞ്ഞെടുക്കപ്പെട്ടു. ഹോളിവുഡ് കരിയര്‍ അച്ചീവ്‌മെന്റ് അവാര്‍ഡ് ഗാരി ഓള്‍ഡ്മാന്‍ സ്വന്തമാക്കി.
' ഏകദേശം 40 വര്‍ഷം മുന്‍പാണ് ഞാന്‍ കരിയര്‍ ആരംഭിക്കുന്നത്. ഓരോ ഘട്ടത്തിലും ഏതെങ്കിലും ഒരു വ്യക്തിയൊ എന്തെങ്കിലും സംഭവമോ എനിക്ക് മുന്നോട്ട് പോകാനുള്ള ഉത്തേജനം തന്നുകൊണ്ടിരുന്നു. എന്റെ കരിയറിലുടനീളം വലിയ സൗഭാഗ്യങ്ങളാണ് എനിക്ക് ലഭിച്ചിട്ടുള്ളത്', അവാര്‍ഡ് സ്വീകരിച്ചശേഷം ഓള്‍ഡ്മാന്‍ പറഞ്ഞു.
സ്‌ട്രോങ്ങര്‍ എന്ന ചിത്രത്തിലെ പ്രകടനം ജേക്കിനെ മികച്ച നടന്‍ ആക്കിയപ്പോള്‍ വണ്ടര്‍ വീലാണ് കേറ്റ് വിന്‍സ്ലെറ്റിന് അവര്‍ഡ് നേടികൊടുത്തത്. സഹനടനുള്ള അവാര്‍ഡ് സാം റോക്വെല്‍ സ്വന്തമാക്കിയപ്പോള്‍ അല്ലിസണ്‍ ജാനീ സഹനടിയായി തിരഞ്ഞെടുക്കപ്പെട്ടു.
ഹോളിവുഡ് കോമഡി അവാര്‍ഡ് ആദം സാന്‍ഡ്‌ലറും പുതുമുഖ താരത്തിനുള്ള പുരസ്‌കാരം ജാമി ബെല്ലും സ്വന്തമാക്കി. ജോ റൈറ്റ് മികച്ച സംവിധായകന്‍, റോജര്‍ ഡിക്കന്‍സ് മികച്ച ഛായാഗ്രാഹകന്‍, സിഡ്‌നി വൊളിന്‍സ്‌കി മികച്ച ചിത്രസംയോജകന്‍ എന്നിങ്ങനെയാണ് മറ്റ് അവാര്‍ഡുകള്‍
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ