തിരുവനന്തപുരം: കേരളത്തിന് കൈത്താങ്ങായി എണ്പതുകളിലെ തെന്നിന്ത്യന് സിനിമാ താരങ്ങള്. മോഹന്ലാല് അടക്കമുള്ള താരങ്ങളുടെ ഒരു കൂട്ടായ്മയാണിത്. ഇവര് ചേര്ന്ന് മുഖ്യമന്ത്രിയുടെ ദുരിതാശ്വാസ നിധിയിലേക്ക് 40 ലക്ഷം രൂപ നല്കി. ലിസി, സുഹാസിനി, ഖുശ്ബു, രാജ്കുമാര് എന്നിവര് ചേര്ന്നാണ് തുക മുഖ്യമന്ത്രിക്ക് കൈമാറിയത്.
ദുരന്തത്തിന്റെ പശ്ചാത്തലത്തില് എല്ലാവര്ഷവും നടക്കാറുള്ള ഒത്തുകൂടല് താരങ്ങള് വേണ്ടെന്നു വച്ചിട്ടുണ്ട്. താരങ്ങള് വ്യക്തിപരമായി നേരത്തേ പണം നല്കിയിരുന്നു. അതുകൂടാതെയാണ് കൂട്ടായ്മയുടെ പേരില് ഇപ്പോള് നല്കുന്നത്. ഇതിലൂടെ കേരളത്തിലെ ജനങ്ങള് തനിച്ചല്ല, എല്ലാവരും കൂടെയുണ്ടെന്ന് പറയാനാണ് തങ്ങള് ഉദ്ദേശിക്കുന്നതെന്ന് ഖുഷ്ബു പറഞ്ഞു.
ഇവിടെ തങ്ങളല്ല താരങ്ങള്, ജീവന് പണയംവച്ച് ദുരിതാശ്വാസ പ്രവര്ത്തനങ്ങള്ക്കിറങ്ങിയ ജനങ്ങളെയാണ് ശരിക്കും അഭിനന്ദിക്കേണ്ടതെന്നും തങ്ങളാല് കഴിയുന്ന സഹായമാണ് ചെയ്യുന്നതെന്നും ലിസി വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ