ചെന്നൈ: പവര്‍ സ്റ്റാര്‍ എന്നറിയപ്പെടുന്ന തമിഴ് നടന്‍ ശ്രീനിവാസനെയും ഭാര്യ ജൂലിയെയും തട്ടികൊണ്ടുപോയ സംഭവത്തില്‍ അഞ്ച് പേര്‍ അറസ്റ്റില്‍. ഇരുവരെയും കാണാനില്ലെന്ന് കാണിച്ച് മകള്‍ നല്‍കിയ പരാതിയിലാണ് അറസ്റ്റ്. ശ്രീനിവാസന്റെ ഭാര്യയുടെ പേരിലുള്ള ബംഗ്ലാവ് എഴുതി വാങ്ങാനാണ് ഇരുവരെയും തട്ടികൊണ്ടുപോയതെന്നാണ് പൊലീസ് നിഗമനം. അറിസ്റ്റിലായവരെ കൂടുതല്‍ ചോദ്യം ചെയ്യലിനായി ചെന്നൈയിലേക്ക് കൊണ്ടുപോയെന്നും പൊലീസ് അറിയിച്ചു.
ഉദഗമണ്ഡലം(ഊട്ടി) കേന്ദ്രീകരിച്ചുള്ള ഒരു സംഘമാണ് തട്ടികൊണ്ടുപോകലിന് പിന്നിലെന്നും സാമ്പത്തിക ഇടപാടുകാരനില്‍ നിന്ന എടുത്ത ഒരു കോടി രൂപയുടെ വായ്പ വീണ്ടെടുക്കാനാണ് മാതാപിതാക്കളെ തട്ടികൊണ്ടുപോതെന്നും മകള്‍ നല്‍കിയ പരാതിയില്‍ പറയുന്നു. സംഭവവുമായി ബന്ധപ്പെട്ട് പൊലീസ് അന്വേഷണം ആരംഭിച്ചതോടെ രണ്ട് ദിവസം മുന്‍പ് ശ്രീനിവാസനെ വിട്ടയച്ചിരുന്നു. പിന്നാലെ ജൂലിയെയും ഇവര്‍ മോചിപ്പിക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ