ബോളിവുഡ് താരം അമിതാബ് ബച്ചന്‍ എവിടെപ്പോയാലും പുറകെ വാലു പോലെ ക്യാമറകളുണ്ടാകും. എന്നാല്‍ ഇപ്പോള്‍ ബിഗ് ബിക്ക് ക്യാമറകളോട് അത്ര സ്‌നേഹമില്ല. കഴിഞ്ഞ ദിവസം റൊട്ടീന്‍ ചെക്കപ്പ് കഴിഞ്ഞ് ബിഗ് ബി ആശുപത്രിയില്‍ നിന്ന് ഇറങ്ങിയത് തൊപ്പികൊണ്ട് മുഖം മൂടിയാണ്. കണ്ണ് വരെ തൊപ്പി വലിച്ചുവെച്ചുകൊണ്ട് സീറ്റില്‍ ചാരിയിരിക്കുന്ന ചിത്രങ്ങള്‍ ഇതിനോടകം പ്രചാരണം നേടിക്കഴിഞ്ഞു. ഇപ്പോള്‍ മുഖം മറച്ചതിന് പിന്നിലെ കാരണം വ്യക്തമാക്കിക്കൊണ്ട് ഒരു കവിത എഴുതിയിരിക്കുകയാണ് ബച്ചന്‍.
ബ്ലോഗിലൂടെയാണ് ബിഗ് ബി കവിത പങ്കുവെച്ചത്. ഫോട്ടോഗ്രാഫര്‍ക്ക് അവരുടെ ജോലിയില്‍ തുടരാന്‍ തന്റെ ചിത്രം വേണമെന്ന് അറിയാമെന്നും ഇത് അവരുടെ പ്രൊഫഷന്റെ ഭാഗമാണെന്നും കവിതയിലൂടെ ബച്ചന്‍ പറയുന്നു. എന്നാല്‍ ഒരേ സമയം നിരവധി ഫഌഷുകള്‍ തന്റെ നേര്‍ക്ക് വരുന്നുണ്ടെന്നും അതിനാലാണ് കണ്ണിനെ സംരക്ഷിക്കാനായി തൊപ്പി വലിച്ചുവെച്ചതെന്നും അദ്ദേഹം കൂട്ടിച്ചേര്‍ത്തു.
ഞാന്‍ ആശുപത്രിയില്‍ പോകാറുണ്ടെന്നും ജനനം മുതല്‍ താന്‍ ജീവിച്ചിരിക്കുന്നത് ഇങ്ങനെയാണെന്നും ബിഗ് ബി പറഞ്ഞു. നടുവിന് വേദന അനുഭവപ്പെട്ടതിനെത്തുടര്‍ന്ന് വെള്ളിയാഴ്ച വൈകുന്നേരമാണ് അമിതാഭ് ഭച്ചനെ ആശുപത്രിയില്‍ പ്രവേശിപ്പിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ