മുട്ടനാടിന്റെ ചങ്കിലെ ചോര കുടിക്കുന്ന റൗഡിയായ ആട് തോമ എന്ന തോമസ് ചാക്കോയുടെ കളിക്കൂട്ടുകാരിയായിരുന്നു തുളസി. അംഗീകരിക്കപ്പെടാത്ത തോമയുടെ കണ്ടുപിടുത്തങ്ങളില്‍ ഏറ്റവുമധ്കം ആഹ്ലാദിച്ചതും അഭിമാനിച്ചതും അവളായിരുന്നു. ഉപ്പ് കല്ലില്‍ മുട്ടുകുത്തി നിന്ന തോമായ്ക്ക് വെള്ളം നല്‍കിയതും അവളായിരുന്നു. തുളസി.. ആ തുളസിയെ 23 വര്‍ഷത്തിനിപ്പുറം തോമ വീണ്ടും കണ്ടു. 

സ്ഫടികം പുറത്തിറങ്ങി ഇരുപത്തിരണ്ട് വര്‍ഷം പിന്നിടുമ്പോള്‍ ആ പഴയ കളിക്കൂട്ടുകാര്‍ തമ്മില്‍ കണ്ടുമുട്ടിയിരിക്കുകയാണ്. അന്ന് ആട് തോമയുടെ ബാല്യകാലം അവതരിപ്പിച്ച രൂപേഷ് പീതാംബരന്‍ ഇന്ന് മലയാള സിനിമയിലെ നടനും സംവിധായകുനുമൊക്കെയാണ്. ഉര്‍വശിയുടെ ബാല്യം അവതരിപ്പിച്ച നടി ആര്യയെ ഇപ്പോഴായിരിക്കും പ്രേഷകര്‍ വീണ്ടും കാണുന്നത്. 

അങ്ങനെ തോമസ് ചാക്കോ തുളസിയെ കണ്ടുമുട്ടിയപ്പോള്‍ എന്ന കുറിപ്പോടെ രൂപേഷ് തന്നെയാണ് ഇരുവരും തമ്മിലുള്ള ചിത്രം ഫെയ്‌സ്ബുക്കിലൂടെ പങ്കുവച്ചത്.