ഈച്ച എന്ന ഒറ്റ ചിത്രത്തിലൂടെ മലയാളികളുടെ മനം കവര്‍ന്ന കന്നട നടന്‍ സുധീപ് മോഹന്‍ലാല്‍ നായകനായെത്തുന്ന ചിത്രത്തിലൂടെ മലയാളത്തിലേക്ക് വരുന്നു. അജോയ് വര്‍മ സംവിധാനം ചെയ്യുന്ന നീരാളി എന്ന സിനിമയിലാണ് അദ്ദേഹം അഭിനയിക്കുന്നത്. മുംബൈയില്‍ ഷൂട്ടിംഗ് പുരോഗമിക്കുന്ന ചിത്രം സുധീപിന്റെ ആദ്യ മലയാളം ചിത്രമായിരിക്കുമെന്നാണ് റിപ്പോര്‍ട്ടുകള്‍.
എന്നാല്‍ ഇതു സംബന്ധിച്ച് സ്ഥിരീകരണമായിട്ടില്ല. സുധീപ് നീരാളിയിലുണ്ടെന്ന റിപ്പോര്‍ട്ട് വെറും പ്രചരണം മാത്രമാണെന്നാണ് നിര്‍മാതാക്കളില്‍ ഒരാള്‍ പറയുന്നത്. മലയാളത്തില്‍ അഭിനയിച്ചിട്ടില്ലെങ്കിലും ഈച്ച, ബാഹുബലി എന്നീ സിനിമകളിലൂടെ മലയാളികളുടെ പ്രീയപ്പെട്ട നടനാണ് സുധീപ്.
നീരാളി ഇതിനോടകം പ്രേക്ഷക ശ്രദ്ധ നേടിക്കഴിഞ്ഞു. സിനിമയിലെ വില്ലന്‍ വേഷം ചെയ്യാന്‍ ബോളിവുഡ് താരങ്ങളെ തേടിക്കൊണ്ടിരിക്കുകയാണ് അണിയറപ്രവര്‍ത്തകര്‍. ഉടന്‍ കരാറില്‍ ഉപ്പുവെക്കുമെന്നാണ് റിപ്പോര്‍ട്ട്. പാര്‍വതി നായര്‍, സുരാജ് വെഞ്ഞാറമൂട്, സായ്കുമാര്‍, മീരാ ജാസ്മിന്‍, ദിലീഷ് പോത്തന്‍ എന്നിവരും ചിത്രത്തില്‍ പ്രധാന റോളില്‍ എത്തുന്നുണ്ട്‌
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ