'മായാനദി'യിലെ മാത്തനും അപ്പുവും മലയാളി സിനിമാ ആസ്വാദകരെ ചെറുതായൊന്നുമല്ല സ്വാദീനിച്ചത്. ഏറെ വൈകാരികമായി എടുത്ത ഈ സിനിമ രണ്ടും മൂന്നും അതിലധികവും തവണ തീയേറ്ററില്‍ പോയി കണ്ടവരുണ്ട്. കഴിഞ്ഞ ഡിസംബറില്‍ റിലീസായ ഈ ചിത്രം വീണ്ടും തിയേറ്ററുകളിലെത്തിക്കാനാണ് അണിയറപ്രവര്‍ത്തകരുടെ ശ്രമം.
ടൊവിനോ- ഐശ്വര്യ ലക്ഷ്മി എന്നിവരെ പ്രധാനകഥാപാത്രങ്ങളാക്കി ആഷിക്ക് അബു ഒരുക്കിയ മായാനദി വീണ്ടും റിലീസിനൊരുങ്ങന്ന കാര്യം ആഷിക്ക് അബു തന്നെയാണ് അറിയിച്ചത്. വളരെ കുറച്ച് സെന്ററുകളില്‍ ചിത്രം റിലീസിനെത്തിക്കാനാണ് അണിയറപ്രവര്‍ത്തകരുടെ നീക്കം.
ചിത്രത്തിന് റിലീസ് ആയ സമയത്ത് വളരെ മികച്ച പ്രതികരണമായിരുന്നു ലഭിച്ചത്. ഈയിടെ സിനിമയുടെ ഡിവിഡി റിലീസ് ചെയ്തപ്പോഴും പ്രേക്ഷകര്‍ ചിത്രത്തെ വാനോളം പുകഴ്ത്തി സമൂഹമാധ്യമങ്ങളില്‍ കുറിപ്പ് എഴുതുകയും ചെയ്തു. പ്രണയത്തിന്റെയും പകപോക്കലിന്റെയും കഥ മനോഹരമായ ഫ്രെയിമുകളുടെയും സംഗീതത്തിന്റെയും അകമ്പടിയോടെ മികച്ച ക്രാഫ്റ്റിങ്ങില്‍ ഒരുക്കിയ ചിത്രമായിരുന്നു മായനദി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ