ബോളിവുഡ് താരമക്കളില്‍ എപ്പോഴും ഫാഷണബിള്‍ ആയി നില്‍ക്കുന്ന ആളാണ് ഷാരൂഖ് ഖാന്‍ന്റെ പുത്രി സൂസന്ന ഖാന്‍. ഇടയ്ക്കിടെ താരത്തിന്റെ തകര്‍പ്പന്‍ ചിത്രങ്ങള്‍ പുറത്തുവരാറുണ്ട്. ഇപ്പോള്‍ താരപുത്രി വീണ്ടും ആരാധകരെ ഞെട്ടിക്കാനൊരുങ്ങുകയാണ്.
ബോളിവുഡില്‍ ഇതുവരെ മുഖം കാണിച്ചിട്ടില്ലെങ്കിലും സുഹാന ഖാന്‍ പ്രമുഖ മാഗസിന് വേണ്ടി ഫോട്ടോ ഷൂട്ട് നടത്തിയെന്ന വാര്‍ത്തയാണ് ഇപ്പോള്‍ പുറത്തു വന്നിരിക്കുന്നത്. ഷാരൂഖിന്റെ ഭാര്യ ഗൗരി ഖാന്‍ ഈ വാര്‍ത്ത സ്ഥിരീകരിക്കുകയും ചെയ്തിട്ടുണ്ട്. ഒരു അവാര്‍ഡ് ഷോയ്ക്കിടെയാണ് സൂസന്നയുടെ ആവേശഭരിതമായ ഫോട്ടോഷൂട്ടിനെ കുറിച്ച് ഗൗരി വെളിപ്പെടുത്തിയത്.
'സുഹാന ഒരു മാഗസിന് വേണ്ടി ഫോട്ടോഷൂട്ട് നടത്തിയിട്ടുണ്ട്. മാഗസിന് ഏതാണെന്നൊന്നും ഞാനിപ്പോള്‍ വെളിപ്പെടുത്തുന്നില്ല. പക്ഷേ, ഞാന്‍ ഈ വര്‍ഷം പ്രതീക്ഷിക്കുന്ന ഏറ്റവും ആവേശകരമായ കാര്യം ഇതു തന്നെയാണ്' ഗൗരി ഖാന്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ