ചലച്ചിത്രം
മോഹന്‍ലാലിനു പിന്നാലെ 'ശകട'വുമായി മമ്മൂക്ക എത്തുന്നു!
മഞ്ജുവാര്യര്‍ മോഹന്‍ലാല്‍ ആരാധികയായെത്തിയ ചിത്രം തീയറ്ററുകളില്‍ മികച്ച പ്രതികരണം നേടി മുന്നേറുന്നതിന് പിന്നാലെ ഇതാ മമ്മൂട്ടി ആരാധകന്റെ കഥയുമായി പുതിയ ചിത്രം എത്തുന്നു. ചിത്രത്തിന് ഇക്കയുടെ ശകടം എന്നാണ് പേരിട്ടിരിക്കുന്നത്. അപ്പാനി ശരതാണ് മമ്മൂട്ടി ആരാധകനായി വേഷമിടുന്നത്. ടാക്‌സി ഡ്രൈവറായാണ് അപ്പാനിയുടെ കഥാപാത്രം.
പ്രിന്‍സ് അവറാച്ചന്‍ തിരക്കഥ, സംവിധാനം നിര്‍വ്വഹിക്കുന്ന ചിത്രത്തിന്റെ നിര്‍മ്മാണം പോപ് സിനിമാസ് ആണ്. നടനും സംവിധായകനുമായ വിപിന്‍ അറ്റ്‌ലിയുടെ ഫേസ്ബുക്കിലൂടെയാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടത്. മമ്മൂട്ടി ഫാന്‍സ് അസോസിയേഷന്‍ അംഗങ്ങളും ചിത്രത്തില്‍ വേഷമിടുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ