അഭിനേതാക്കളുടെ സംഘടനയായ അമ്മയിൽ പുറത്തുപറയുന്നതുപോലുള്ള പ്രശ്നങ്ങളില്ലെന്ന് നടനും എംപിയുമായ സുരേഷ് ഗോപി. ഒരു കോടതി വിധി വരുന്നതോടെ താര സംഘടനയിലെ പ്രശ്നങ്ങൾ ഇല്ലാതെയാകും. ഈ  ചെയ്യുന്ന പാപങ്ങളെല്ലാം അന്ന് എവിടെ കൊണ്ടുപോയി കഴുകിക്കളയുമെന്നും അദ്ദേഹം ചോദിച്ചു. 

സംഘടനയിൽ പുറത്തുപറയുന്നതു പോലുള്ള പ്രശ്നങ്ങൾ ഇല്ല. ചില ന്യൂനതകളുണ്ട്. സർക്കാരിനില്ലേ ന്യൂനതകൾ എന്നും സുരേഷ് ​ഗോപി ചോദിച്ചു. അമ്മ പോലൊരു സംഘടന ഇന്ത്യയിൽ വേറെയില്ലെന്നും മാസം 5,000 രൂപവീതം 147 പേർക്കു നൽകുന്ന സംഘടനയാണിതെന്നും അദ്ദേഹം കൂട്ടിച്ചേർത്തു. താരങ്ങൾക്കല്ല. അരി വാങ്ങാൻ വഴിയില്ലാത്തവർക്കാണ് അതുനൽകുന്നത്. അരിയെക്കാൾ ആവശ്യം മരുന്നിനാണെങ്കിൽ അതു വാങ്ങും. അതു മുടക്കിക്കളയരുതെന്നും സുരേഷ് ​ഗോപി പറഞ്ഞു.