മികച്ച ഗായികയ്ക്കുള്ള സംസ്ഥാന സര്‍ക്കാരിന്റെ പുരസ്‌കാരം ഒന്നിലധികം സ്വന്തമാക്കിയ സിത്താര എന്നും മലയാളികള്‍ക്ക് പ്രിയപ്പെട്ട ഗായികയാണ്. സിത്താരയുടെ മ്യൂസിക് ആല്‍ബങ്ങള്‍ക്ക് വേണ്ടി മാത്രം കാത്തിരിക്കുന്ന ആരാധകര്‍ തന്നെയുണ്ട് ഇവിടെ.
തനിക്ക് ഇണങ്ങുന്ന മേഖല സംഗീതം മാത്രമല്ലെന്ന് സിത്താര പലതവണ തെളിയിച്ചതാണ്. പാട്ടും, സംഗീത സംവിധാനവും, മ്യൂസിക് ആല്‍ബത്തിലെ അഭിനയവും എല്ലാം കഴിഞ്ഞ് ഇക്കുറി സിത്താര എത്തിയിരിക്കുന്നത് ടിക് ടോക്കിലേക്കാണ്. സിത്താരയ്‌ക്കൊപ്പം മേക്ക്അപ് ആര്‍ട്ടിസ്റ്റ് ബിജീഷും എത്തിയിട്ടുണ്ട്.
ഇത് സിത്താരയുടെ ആദ്യത്തെ ടിക്ടോക് വീഡിയോ ആണ്. വടക്കുനോക്കിയന്ത്രം എന്ന പ്രശസ്ത ശ്രീനിവാസന്‍ ചിത്രത്തിലെ മാമുക്കോയയും ശ്രീനിവാസനും സ്റ്റുഡിയോയില്‍ വച്ചുള്ള സംഭാഷണമാണ് സിതാരയും ബിജീഷും രസകരമായി അവതരിപ്പിച്ചിരിക്കുന്നത്.
ഈയിടെ സിത്താര പാടി കുംബളങ്ങി നൈറ്റ്‌സിലെ 'ചെരാതുകള്‍' എന്ന പാട്ടിന്റെ ഹമ്മിങ് പാടി ഗായികയുടെ നാലുവയസുകാരി മകള്‍ എത്തിയത് ഏറെ ശ്രദ്ധിക്കപ്പെട്ടിരുന്നു. അര്‍ജന്റീന ഫാന്‍സ് കാട്ടൂര്‍ക്കടവ് എന്ന ചിത്രത്തിലെ 'കാത്തു കാത്തെന്‍ മിഴികളില്‍' എന്ന ഗാനമാണ് സിത്താരയുടേതായി അവസാനമിറങ്ങിയ ചലച്ചിത്ര ഗാനം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ