ബോളിവുഡിലെ ആക്ഷന് താരമാണ് ജോണ് എബ്രഹാം. അടുത്തിടെയായി ആക്ഷന് പ്രാധാന്യമുള്ള ചിത്രത്തിലാണ് താരം അഭിനയിക്കുന്നത്. എന്നാല് ഇപ്പോള് പ്രണയ ചിത്രത്തില് അഭിനയിക്കാനുള്ള താല്പ്പര്യം തുറന്നു പറഞ്ഞിരിക്കുകയാണ് 46 കാരനായ താരം.
തന്റെ വ്യക്തിത്വവുമായി ചേരുന്ന തിരക്കഥയ്ക്കായി കാത്തിരിക്കുകയാണ് എന്നാണ് താരം പറയുന്നത്. റൊമാന്റിക് സിനിമകളില് അഭിനയിക്കാന് എനിക്ക് ഇഷ്ടമായിരുന്നു. എന്നാല് എനിക്ക് ചേരുന്ന കഥകളൊന്നും കിട്ടിയില്ല. അത് മനോഹരമായ മേഖലയാണ്. എന്റെ വ്യക്തിത്വത്തിനും ശരീരപ്രകൃതിക്കും ചേരുന്ന പ്രണയചിത്രം വേണം. അങ്ങനെയൊരു കഥക്കായി കാത്തിരിക്കുകയാണ് ഞാന്' ജോണ് പറഞ്ഞു.
കൂടുതലും ആക്ഷന് ചിത്രങ്ങളാണ് ജോണ് എബ്രഹാമിന്റേതായി പുറത്തുവരുന്നത്. ഇപ്പോള് അറ്റാക്ക് എന്ന ചിത്രത്തില് അഭിനയിക്കാനുള്ള തയാറെടുപ്പിലാണ് താരം. ഒരു ആക്ഷന് ഹീറോയ്ക്ക് ആറ്റിറ്റിയൂടാണ് ആവശ്യം എന്നാണ് അദ്ദേഹം പറയുന്നത്. പ്രണയ ചിത്രമായ ജിസത്തിലൂടെയാണ് ജോണ് എബ്രഹാം അരങ്ങേറ്റം കുറിച്ചത്. അതിന് ശേഷം കോമഡി ചിത്രങ്ങളിലാണ് താരം ശ്രദ്ധ വെച്ചത്. അതിന് ശേഷമാണ് ബോളിവുഡിലെ ഏറ്റവും മികച്ച ആക്ഷന് താരങ്ങളില് ഒരാളായി ജോണ് മാറിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ