സിനിമയില്‍ നിന്ന് വിട്ടു നില്‍ക്കുകയാണെങ്കിലും മലയാളികളുടെ പ്രിയപ്പെട്ട നടിയാണ് ദിവ്യ ഉണ്ണി. തന്റെ ജീവിതത്തിലെ സ്‌പെഷ്യല്‍ നിമിഷങ്ങളെല്ലാം താരം ആരാധകരുമായി പങ്കുവെക്കാറുണ്ട്. ഇപ്പോള്‍ വീണ്ടും അമ്മയാകാന്‍ ഒരുങ്ങുകയാണ് താരം. വളകാപ്പ് ചടങ്ങിന്റെ ചിത്രങ്ങള്‍ പുറത്തുവിട്ടാണ് സന്തോഷവാര്‍ത്ത പങ്കുവെച്ചത്.
ഭര്‍ത്താവ് അരുണിനും മകള്‍ മീനാക്ഷിക്കും അമ്മയ്ക്കും ഒപ്പമുള്ള ചിത്രങ്ങളാണ് താരം പോസ്റ്റ് ചെയ്തിരിക്കുന്നത്. നാടന്‍ ലുക്കിലാണ് ദിവ്യ ഉണ്ണി വളകാപ്പിന് എത്തിയത്. കറുപ്പില്‍ ഗോള്‍ഡന്‍ നിറത്തിലുളള മുത്ത് പതിപ്പിച്ച ബ്ലൗസു റോസില്‍ ഗോള്‍ഡന്‍ കസവുള്ള സാരിയായിരുന്നു വേഷം. കൈകളില്‍ നിറയെ കുപ്പി വളകളും അണിഞ്ഞിരുന്നു. താരത്തിന്റെ പോസ്റ്റിന് താഴെ ആശംസകള്‍ നിറയുകയാണ്.
2018 ഫെബ്രുവരിയിലാണ് അരുണ്‍ കുമാറുമായുള്ള ദിവ്യ ഉണ്ണിയുടെ വിവാഹം. എന്‍ജിനീയറായ അരുണ്‍ അമേരിക്കയിലെ ഹൂസ്റ്റണിലാണ് താമസിക്കുന്നത്. ദിവ്യ അമേരിക്കയില്‍ നൃത്ത വിദ്യാലയം നടത്തുകയാണ്. താരത്തിന്റെ രണ്ടാം വിവാഹമാണിത്. ആദ്യ വിവാഹത്തില്‍ താരത്തിന് രണ്ട് മക്കളുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ