സിനിമയില്‍ നിരവധി സുഹൃത്തുക്കളുള്ള താരമാണ് കുഞ്ചാക്കോ ബോബന്‍. അതുപോലെ മകന്‍ ഇസഹാഖിനും പുതിയ കൂട്ടുകാരനെ കിട്ടിയിരിക്കുകയാണ്. അതും സിനിമയില്‍ നിന്നു തന്നെ. നടനും സംവിധായകനുമായ സൗബിന്‍ ഷാഹിറിന്റെ മകന്‍ ഓര്‍ഹാനാണ് ഇസയുടെ കൂട്ടുകാരന്‍. ഇരുവരും ആദ്യമായി കണ്ടുമുട്ടിയ നിമിഷം ആരാധകര്‍ക്കായി പങ്കുവെച്ചിരിക്കുകയാണ് കുഞ്ചാക്കോ ബോബന്‍.
ഇസയെ ഓര്ഹാന് ഉമ്മ വെക്കുന്ന ചിത്രമാണ് കുഞ്ചാക്കോ പോസ്റ്റ് ചെയ്തിരിക്കുന്നത്. ക്യൂട്ടി പിക് ആരാധകരുടെ മനം കവരുകയാണ്. അതിനൊപ്പം തന്നെ ചാക്കോച്ചന്‍ ചിത്രത്തിന് നല്‍കിയ അടിക്കുറിപ്പും ആരാധകരില്‍ ചിരി നിറയ്ക്കുന്നുണ്ട്. നടന്‍ ടൊവിനോയെ ട്രോളിക്കൊണ്ടാണ് കുറിപ്പ്. 'ബ്രദര്‍ഹുഡ്, ഓര്ഹാന് ഇസയെ കണ്ടപ്പോള്‍. കണ്ടിട്ട് ടോവി ബോയ് ആണെന്നു തോന്നുന്നു. ഉമ്മ വയ്ക്കാന്‍ ഓര്ഹാന് ദക്ഷിണവെച്ച് പഠിക്കണം'. താരപുത്രന്മാരുടെ ചുംബനചിത്രം ആരാധകരുടെ മനസ് കീഴടക്കിയിരിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ