മലയാളത്തിന്റെ പ്രിയപ്പെട്ട ചുരുളന്‍ മുടിക്കാരിയുടെ കുട്ടിക്കാല ചിത്രങ്ങളാണ് സമൂഹമാധ്യമങ്ങളില്‍ ശ്രദ്ധനേടുന്നത്. പ്രേമം എന്ന ഹിറ്റ് ചിത്രത്തിലെ മേരിയായി അഭിനയത്തില്‍ അരങ്ങേറ്റം കുറിച്ച അനുപമ പരമേശ്വരന്റെ ചിത്രങ്ങളാണ് ഇവ. അനുപമ തന്നെയാണ് ചിത്രങ്ങള്‍ പങ്കുവച്ചതും.
അച്ഛന്റെ ജന്മദിനത്തില്‍ അച്ഛന്‍ പകര്‍ത്തിയ തന്റെ കുട്ടിക്കാല ചിത്രങ്ങള്‍ പങ്കുവയ്ക്കുകയായിരുന്നു താരം. വസ്ത്രങ്ങളുടെ വലിയ ഫാന്‍ ഒന്നുമായിരുന്നില്ല താനെന്ന് പറഞ്ഞാണ് അനുപമ ചിത്രങ്ങള്‍ പങ്കുവച്ചിരിക്കുന്നു. നാല് ചിത്രങ്ങളടങ്ങിയ സീരീസാണ് തന്റെ ഇന്‍സ്റ്റഗ്രാം പേജിലൂടെ അനുപമ പങ്കുവച്ചത്.
ആരാധകര്‍ക്ക് ഏറ്റവും ഇഷ്ടമായ തന്റെ ചിത്രമേതെന്ന് ചോദിച്ച താരം കൂടത്തിലെ തന്റെ പ്രിയപ്പെട്ട ഫോട്ടോ ഏതെന്നും വെളിപ്പെടുത്തി. സാരിയുടുത്തുള്ള നാലാമത്തെ ചിത്രമാണ് അനുപമയ്ക്ക് ഏറ്റവും പ്രിയമേറിയത്. ആ ചിത്രത്തിലെ തന്റെ ഹോട്ട്‌നെസ് താങ്ങാനാവുന്നില്ലെന്നാണ് താരം കുറിച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ