ലണ്ടനിലെ പ്രശസ്തമായ മാഡം ട്യുസോയിലെ മെഴുകുപ്രതിമകളുടെ കൂട്ടത്തില്‍ ഇനി താരസുന്ദരി പ്രിയങ്ക ചോപ്രയും. ഇന്നലെ മാഡം ട്യുസോയില്‍ വച്ച് നടന്ന ചടങ്ങില്‍ പ്രിയങ്ക തന്നെയാണ് തന്റെ ആദ്യ മെഴുക് പ്രതിമ അനാവരണം ചെയ്തത്. ചടങ്ങുകളുടെ ചിത്രങ്ങളും വിഡിയോയും തന്റെ ഇന്‍സ്റ്റഗ്രാം അക്കൗണ്ടിലൂടെ താരം പങ്കുവയ്ക്കുകയും ചെയ്തു.
2016ലെ എമി അവാര്‍ഡ്‌സില്‍ പ്രിയങ്ക ധരിച്ച ചുവപ്പ് നിറത്തിലുള്ള ഗൗണാണ്് പ്രതിമ ധരിച്ചിരിക്കുന്നത്. പ്രതിമ കണ്ട് അത്ഭുതപ്പെട്ട് നില്‍ക്കുന്ന പ്രിയങ്കയെ വിഡിയോയില്‍ കാണാം. ഐ ലവ് മൈ ഐബ്രോസ് എന്ന് താരം പറയുന്നുണ്ട്. ഭര്‍ത്താവ് നിക്ക് ജൊനാസ് നല്‍കിയ വജ്ര മോതിരവും മെഴുക് പ്രതിമയില്‍ കാണാനാകും.
പ്രതിമ നിര്‍മ്മിക്കുന്നതിനായി മാഡം ട്യുസോയിലെ വിദഗ്ദ്ധര്‍ ആറ് മാസം മുന്‍പ് പ്രിയങ്കയുമായി കൂടിക്കാഴ്ച നടത്തുകയും അളവുകളെടുക്കുകയും ചെയ്തിരുന്നു. ഇതിന്റെ വിഡിയോയും പ്രിയങ്ക പങ്കുവച്ചിട്ടുണ്ട്. ലണ്ടനിലെ മാഡം ട്യുസോയിലും പ്രിയങ്കയുടെ പ്രതിമ സ്ഥാപിക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ