അമിതാഭ് ബച്ചനും തപ്‌സി പന്നുവും വീണ്ടും ഒന്നിക്കുന്ന ചിത്രം ബദ്ലയുടെ ട്രെയിലര്‍ പുറത്തിറങ്ങി. സുജോയ് ഷോഘ് സംവിധാനം ചെയ്യുന്ന ചിത്രം നിര്‍മ്മിച്ചിരിക്കുന്നത് ഷാരൂഖ് ഖാന്റെ റെഡ് ചില്ലീസ് എന്റര്‍ടെയ്ന്‍മെന്റാണ്. ഒറിയോ പോളോയുടെ കഥയെ ആസ്പദമാക്കി ത്രില്ലര്‍ സ്വഭാവത്തിലാണ് ചിത്രം ഒരുക്കിയിരിക്കുന്നത്. മാര്‍ച്ച് എട്ടിന് ചിത്രം തീയേറ്ററുകളിലെത്തും. തപ്‌സിയും ബച്ചനും ഒന്നിച്ച് അഭിനയിച്ച് 2016ല്‍ പുറത്തിറങ്ങിയ പിങ്ക് മികച്ച പ്രേക്ഷക ശ്രദ്ധ നേടിയ ചിത്രമായിരുന്നു.