യുവനടൻ അനീഷ് ജി മേനോന്‍ വിവാഹിതനായി. ഐശ്വര്യ രാജനാണ് വധു. ഇന്ന് ഗുരുവായൂരില്‍ വച്ചായിരുന്നു ഇരുവരുടെയും വിവാഹം. വിവാഹപരിപാടികൾ അനീഷ് തന്റെ ഫേസ്ബുക്ക് പേജിലൂടെ ലൈവായി സുഹൃത്തുക്കളുമായി പങ്കുവച്ചിട്ടുണ്ട്.
ആസിഫ് അലിയും നിഷാനും പ്രധാന വേഷത്തിലെത്തിയ സിബി മലയില്‍ ചിത്രമായ അപൂര്‍വ്വരാഗത്തില്‍ വില്ലനായാണ് താരത്തിന്റെ അരങ്ങേറ്റം. ബെസ്റ്റ് ആക്ടര്‍, ദൃശ്യം, ഗ്രേറ്റ് ഫാദർ തുടങ്ങിയ സിനിമകളിൽ അഭിനയിച്ചാണ് അനീഷ് ശ്രദ്ധ നേടിയത്.
കഴിഞ്ഞ വര്‍ഷം പുറത്തിറങ്ങിയ ക്വീന്‍, സുഡാനി ഫ്രം നൈജീരിയ, കായംകുളം കൊച്ചുണ്ണി, ഒടിയന്‍ തുടങ്ങിയ ചിത്രങ്ങളില്‍ അനീഷ് ശ്രദ്ധേയ വേഷങ്ങള്‍ കൈകാര്യം ചെയ്തിട്ടുണ്ട്. ഞാന്‍ പ്രകാശനാണ് അനീഷ് അഭിനയിച്ച പുറത്തിറങ്ങിയ ഏറ്റവും പുതിയ ചിത്രം. ഒരു അഡാറ് ലൗ, ലൂസിഫര്‍ എന്നിവയാണ് റീലിസിനൊരുങ്ങുന്ന താരത്തിന്റെ ചിത്രങ്ങള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ