വിശാലിന്റെ വിവാഹവാർത്തയ്ക്ക് പിന്നാലെയുള്ള പാച്ചിൽ ഇനിയും കെട്ടടങ്ങിയിട്ടില്ല. ഹൈദരാബാദ് സ്വദേശിയായ അനീഷ അല്ലയെ വിശാൽ വിവാഹം ചെയ്യുന്നു എന്ന റിപ്പോർട്ടുകൾക്ക് പിന്നാലെ അനീഷയെ തിരഞ്ഞുപിടിക്കുന്ന തിരക്കിലായിരുന്നു ആരാധകർ. വിവാഹവാര്‍ത്ത ഔദ്യോഗികമായി പുറത്ത് വിട്ടതിന് ശേഷം വിമർശനവുമായി ചിലർ സമൂഹമാധ്യമങ്ങളിൽ പ്രത്യക്ഷപ്പെട്ടുതുടങ്ങി. വിമർശനങ്ങളെ അവഗണിക്കാത്തെ കൃത്യ മറുപടി നൽകിയിരിക്കുകയാണ് അനീഷ.
പണം കൊടുത്ത് നിങ്ങള്‍ക്ക് ആരെയും വാങ്ങാം, വിശാലിനെ മാത്രമല്ല, അയാളെ വെറുതെ വിടൂ എന്നായിരുന്നു കമന്റ്‌. പണത്തിനുവേണ്ടിയാണ് വിശാൽ തന്നെ വിവാഹം ചെയ്യുന്നതെന്ന് വിശ്വസിക്കുന്നെങ്കിൽ അദ്ദേഹത്തോട് നിങ്ങൾക്ക് ഒരു ബഹുമാനവും ഇല്ല. ജീവിതത്തിൽ ചിലപ്പോഴെങ്കിലും ഒരല്‍പ്പം വിശ്വാസം പുലർത്തൂ, ഇനിയും ഒരുപാട് ദൂരം പോകാനുള്ളതാണ് എന്നായിരുന്നു കമന്റിന് അനീഷ നൽകിയ മറുപടി.
വിശാലുമായുള്ള വിവാഹനിശ്ചയം കഴിഞ്ഞ വിവരം അനീഷയാണ് ആദ്യം പുറം ലോകത്തെ അറിയിച്ചത്. ഓഗസ്റ്റില്‍ ഇവര്‍ വിവാഹിതരാകുമെന്നാണ് ഇപ്പോള്‍ പുറത്ത് വരുന്ന റിപ്പോര്‍ട്ടുകള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ