സ്വിമ്മിങ് ഡ്രസ് ധരിച്ച് പ്രിയങ്ക ചോപ്രയുടെ ചിത്രം സമൂഹ മാധ്യമങ്ങളില്‍ വൈറല്‍. ഭര്‍ത്താവ് നിക് ജോനസ് പകര്‍ത്തിയ ചിത്രമാണ് നടി സമൂഹമാധ്യമത്തില്‍ പങ്കുവെച്ചത്. ഇറ്റലിയില്‍ അവധിക്കാലം ആഘോഷിക്കുന്ന ചിത്രം നിമിഷങ്ങള്‍ക്കകമാണ് ആരാധകര്‍ ഏറ്റെടുത്തത്.
സ്വിമ്മിങ് പൂളിന് സമീപം നീന്തല്‍ വസ്ത്രമണിഞ്ഞ് കൈയില്‍ കോക് ടെയില്‍ കുടിക്കുന്ന ചിത്രവും കുളത്തില്‍ കിടക്കുന്ന ചിത്രവുമാണ് നടി പങ്കുവെച്ചത്. അവധിക്കാലം നന്നായി ആഘോഷിക്കുകയാണ് ഇത് പ്രിയപ്പെട്ടവന്‍ പകര്‍ത്തുകയും ചെയ്യുന്നുവെന്നാണ് പ്രിയങ്ക കുറിച്ചത്
കഴിഞ്ഞ ദിവസം നടി എല്‍ മാഗസിനു വേണ്ടി താരം നടത്തിയ ഫോട്ടോഷൂട്ടും വൈറലായിരുന്നു. പ്രശസ്ത സ്‌റ്റൈലിസ്റ്റ് ജെന്നി കെന്നഡിയാണ് ഷൂട്ടിനായി പ്രിയങ്കയെ ഒരുക്കിയത്. ഇക്കുറി താരത്തിന്റെ എല്ല വസ്ത്രങ്ങളുടെയും പ്രത്യേകത ഫെദര്‍ ഡിസൈന്‍ഡ് വസ്ത്രങ്ങളായിരുന്നു എന്നതാണ്. അതില്‍ തന്നെ ഓറഞ്ച്, ഇളംനീല, ചുവപ്പ് നിറത്തിലുള്ള വസ്ത്രങ്ങളില്‍ താരം കൂടുതല്‍ തിളങ്ങി.
കഴിഞ്ഞ ദിവസം ഭര്‍തൃസഹോദരന്‍ ജോ ജോനസിന്റെ വിവാഹത്തിന് ബേബി പിങ്ക് നിറത്തില്‍ ലൈസുള്ള സാരി ധരിച്ചത് വലിയ ചര്‍ച്ചയായിരുന്നു.
പത്തുവയസ് കുറവുള്ള നിക്ക് ജോനസുമായുള്ള പ്രിയങ്കയുടെ വിവാഹത്തെ വിമര്‍ശിച്ച് നിരവധി പേര്‍ രംഗത്ത് എത്തിയിരുന്നു. എന്നാല്‍ താരത്തിന്റെ ശക്തവും മാന്യവുമായ പെരുമാറ്റം വിമര്‍ശകരുടെ വായടപ്പിച്ചു. നിലവില്‍ കടുത്ത വിമര്‍ശകര്‍ പോലും പ്രിയങ്കയുടെ ആരാധകരായിരിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ